أتذكّر العيد و أتذكر و جومك هناك

ما يقبل العيد الا لك معه مشكله

يا فتنة البندر المحموم يسعد مساك

 اضحك و ربّك يفكك طلسم المعضلة

لو يعرفون الأوادم أيش لي هو بلاك

 كان افتحوا كل طاقه للشفاء مقفلة

تكفى تبسم أنا محنون أسمع شفاك

 تقول جملة ضحك لأيامك الأولة

لا يقهرك من زعل منّك و لا من نساك

 لا يربكك آخر الطابور من أوله

فل البلد كل أبوها يا صغيري فداك

 و إن شفتها ما تكفّي شف لها قنبلة

و إن شفت نفسك غريب و ما هم بمستواك

 اربط على كل شيءٍ يزعلك سلسله

بس لا تحمّل تناهيدك مشارط عناك

 و اخذل ذكاء يأسك المشئوم بالمزبلة

الهم لو ما تعنّا له تعنّى و جاك

 و أنت فنظر صاحبك ما تحتمل زلزلة

ما دام قوت الأوادم فيك و الماي ماك

 حط الزعل فوق عيدان الأمل و اشعله

و اذكر معك تسعتعشر عام تنثر جناك

 وش ذنبها تنحرم أيامك المقبلة

خل الثريا تجي و تروح يم السماك

 أما أنت منته بحاجة ناس متسوله