تدوّر للزعل ياسيدي وتصدّق أكذوبة       

   تمزّق موطن الحلم الصغير فـ قلبي المشنوق    

 مادام إن الخطأ في عشقتك ما يقبل التوبة

  من اللي قال لك سامح ( سعيد ) ولك حشا محروق

 أنا جيتك أدوّر أرض للأسمنت والطوبة

 ولى هاج البحر ألقاك في يدّي الشليلة طوق

 يجيني الدرب بس آسف أنا خطوتي محسوبة

 أحاسيسي نمت وأنت مسوي للمشاعر سوق

 متى سويت شي يرضي حنش أو يغضب النوبة

  أنا جداً مسالم وأعرف أنه للغرام حقوق

 أنا أغلط .. بشر لكن خطاي يصير بعذوبة

   وعادي لو عرفت أنك مسوي في الجدار شقوق

 أنا متحملك من قبل يعطيك الهوى ثوبه

    وعيب أطرح همومي وأزحمك حتى ولو مزنوق

   إذا كان الزمن يقسى عليك ونظف جيوبه

  أنا بيتك وثوبك والغرام الملتهب والشوق

تعال نعمّر الحب القديم .. نبستن دروبه

 نبيع الزيف للي يشتري والمنظر المسروق

 متى تبرد لنا نظره وجمر الشوق مشبوبة