حرف الحجبان سرو ما يشفي

قلب عاشق همو همــــي

بين لسرار شـربتو حرفي

مـداد جاري فوج على قلبي

بين السطـور قريتو ســــرّي

و علقتو حجاب على صــدري

تتخلط لحروف واخة ما نبغـي

كلها و حروفو و بحروفو يلغي

و أنا و حرفي عايشين نصغي

لــربي وحدو وحدو نصغي

بحروفي أنا هايم مــرهون

عليهم خايف و عليهم مشطون

قريتهم قرايا و بيهم مـــشجون

و رتبتهم كلام كـلو مـضمــون

المعاني كثيرة و بان العربــون

أيا وعدي من لغة فقدات اللون

طاح الحرف و ما صاب غـطاه

اعمر بالخاوي و سمعتو غنـــاه

كــلام حشومة نسمع لغـاه

فين الصمغ و اللوح و فين نلقاه