محتويات الإدراج الذي تريد إرساله: إضحك خلـّيك فريش إضحك خلـّيك فريش
والبس للدنيا وش
إوعى تزعل وتغضب
أحسن وشـَّك يكش
,,
إضحك دا الضحك رحمة
فى الدنيا المليانة زحمة
زحمة ولا عادش لحمة
إيه يعنى مش فيها مش
,,
أهى دنيا وماشيه بينا
دنيا زى السفينة
ياما فيها نشوف ونسمع
تقولشى يا خويا دِش
,,
إضحك راح تبقى كول
إعمل للضحكة مول
وان يوم عليك تو ليت
إدّيها ميسد كول
,,
إضحك كركر يا مان
خلـّى سنانك تبان
إفتح للحب قلبك
وسـَّع خلـّيه يخـُش
,,
إضحك راح تبقى جان
فوكـَّك من اللومان
دى الضحكة عليك يا بيبى
صدقنى هتكون جنان
,,
إضحك نعنش بجد
واوضع للحزن حد
إنده ع البسمة تبنى
بينك وبينه سد
,,
دوَّر ع الضحكة دوَّر
خلـّى خدودك تنوَّر
ساعتها تتمنى يبقى
يكونلك ألف خد
,,
فرفش خلـّيها عادى
نادى ع الضحك نادى
أمانة عليك يا صاحبى
لــَتفـُك التكشيرادى
,,
لو سيبت للحزن نفسك
راح تبقى يو آر كريزى
هتشوف المـُزَّة زيزو
واتاريها هىَّ زيزى
,,
إضحك خلـّيها إيزى
إفردها يا عزيزى
للضحكة معنى واحد
بالعربى و لانجليزى
,,
طب بـُص البسمة ديـّا
طب شوف الضحكة دى
والله حرام عليـّا
لو سيبتك فى اللى انت فيه
,,
لو روحت فين هجيبك
صدقنى موش حسيبك
إلا ولابتسامة
من وشـَّك راح تطـُل
,,
إضحك خلـّيتها خل
أهو هل هلاله هل
يا عم صباحُه فل
كان فين دا من زماااان
