محتويات الإدراج الذي تريد إرساله:
الدنيا
نفسي أغيب عن عيون الدنيا دي شويه
وتنساني بقي شويه
اختفي واظهر بعد شويه
نفسي أموت شويه
واصحي بعد شويه
أحزن كتير دا أصل وطبع فيه
نفسي افرح ولو شويه
كل مايزيد عليا الوجع شويه
كل لما تزيد آلامي
ارجع بعقلي شويه
كآم سنه فاتت
وتصحي فيا حجات كتيره
دفنتها جوه القلب كآت ماتت
وابتدي جلسة السحر والشعوذة
واحضر كل جنوني وجناني
وديما أتخيل روحي مظلوم ومش جاني
ومين يكون أحن عليه من نفسي
دا الطقس اللي بيخرجني من يأسي
إني ديما بريء مظلوم
حتى لو ذنبي جلي ومعلوم
وأنادي علي شئ مالهوش وجود
تجيني منه ردود وردود
صدي مردود وأمل مصدود
وحنين اتقتل جوايه جنين مفقود
ويتحول كوني لبراح واسع
وفراغ وبير غويط بعيد شاسع
وتنزال قدامي كل الحدود
ويسبق ظلي أيامي يخطي سدود
وبرغم إني ف ظلام حالك شديد
ينزال عني الغطا وبصري يبقي حديد
ويصرخ عفريتي جوايه
وتصاحبني كل الشياطين
وأشوف كل الأموات عايشين
واسمع وافهم لغا الطير
واستعذب أنكر الأصوات
وأغير من كل ضرير وفقير
والبس جناح وهمي وأطير
وهمس حنون بصوت ملهوف بيندهني
ووراه كورس طرب بيندبني
وانا سابح في الهوا طاير
مش خايف ولاشايف ولا عارف
انا هنا في دنيتي
ولا انا ضيف زاير
وجوايه سؤال حاير
وشئ غريب داير
ودواير بتلف في دواير
علي أعتاب الموت
واقفين كل البشرفي طابور
ناس تستنا دورها وناس بتفوت
ومكتوب في الهوى بطبشور
هنا الزوال قـَرب هنا داول
وانا في الصف الأول
كأني عليا الدور
و ب يصلوا عليا الجماعة
صلاة الجنازة جماعه
مع إني انا الإمام
طب ازاي أكون ميت
(طاهر الصوفاني )
|
