---------------------------------------------
معقولة !!!

معقولة يامصر ابنك يعيش

علي ارضك ورزقه   يوم بيوم

مافيش خزين ف البيوت

ولا  حتي البصل والثوم

وانت اللي كان الخير حداكي

الناس   بيحسبوه بالكوم 

راح فين يامصر العز والخير 

علي مين بس اجيب اللوم

علي فلاح هجر ارضه ولما

يسمع  اذان الظهر يقوم م  النوم

علي مصنع باعوه خردةللخواجة

والسماسرة  قبضوا المعلوم

علي خوجة ترك واجبه ومدرسته   

واصبح بالدروس مهموم

علي شعب اتسرق قوته  جهارا 

وصوت الحق فيه مكتوم

واه واه يامصر علي الضمير اللي

غاب وبقي لازم مالوهش لزوم 

ولا علي العدل اللي مال ميزانه

وجار مع الظالم علي المظلوم 

رب العباد ياخلق بيجازي علي الفعل

بس مش ممكن     يجير مذموم 

كتبهاعمرو مدحت، في 31 March 2009 19:31 PM---------------------------------------------