انا مش مصدق قسوتك

ييجي علينا يوم

وانادي عليكي  ماترديش

فين الحنين واللهفة والشوق

عاوزة تفهميني انهم يعني

خلاص ؟ مافيش ؟

بزمتك  ....ماوحشتكيش ؟

اللي اعرفه ....

ان الهوي ما بيتنسيش

ولا الي بينا كان سراب .

ووهم مش قادر  يعيش

من ناحيتي مشتاق قوي

عندي امل ... غيرك ماليش

مستني منك دقتين  ع الباب

عشان افتح دراعاتي  ...واضمك

واقولك ماتخافيش

انت بالنسبه لي ... شمس

منورة عمري.... وحياتي

ياريتك..... ماتغبيش

احنا الاثنين عطشانين

رضبتي... ولا مارضتيش

بطلت اسأل ليه وفين وازاي

وانت كمان ياريت ماتفكريش