محتويات الإدراج الذي تريد إرساله:
لا هنقول عيد ام ولا عيد اب.......
ماما حبيبتي كل سنة وانتي طيبة بحبك جدا جدا
هو جرى ايه ياولا ايه الحب والحنية اللي نزلت عليك دي
كنت فين امبارح لما قلتلك روح جيب اخوك من المدرسة مارضيتش ورحت عند زميلك
هات من الاخر عايز ايه انا مش فاضيالك وعايزة الحق اخلص الغدا عشان باباك عايز يتغدى ويرتاح شوية
ايه ياماما ده انا العايب اللي جاي اقولك بحبك كل سنة وانتي طيبة وجايبلك هدية كمان مش النهاردة عيد الأم يا احلى ام
لالالالالالالا مش معقول ما انت طلعت بتحس اهو وعندك دم يعني مش هتزعلني تاني وهتسمع الكلام ولا بس عشان عيد الأم وبعد كده هترجع تقل ادبك تاني
انا مش عارفة ايه عيد الام ده اللي علمو فيه العيال يحترمو امهاتهم يوم واحد في السنة وباقي السنة الله يهديهم بقى......
ايه ياماما هو بابا هنا هو بيبصلنا كده ليه اما اروح اشوفه
ازيك يابابا ياحبيبي كل سنة وانت طيب
اخرس يا ولا انت جاي تستعبطني ولا لسة فاكر ما انا خلاص ماعدليش قيمة في البيت ده الا مافكرو يعملولي يوم مش عيد
وعلمو العيال يحترمو الأمهات ويسبو الأباء كده
ايه ده يابابا انا اقدر ده انت احلى اب وبحبك كمان
طيب فين هديتي وريهاني جبتلي ايه انا شايفك بتدي لأمك حاجة وريني بقى جبتلي ايه
بصراحة يابابا الفلوس ماكفتش الا اني اجيب هدية واحدة فجبتها لماما وبعدين العيد اسمه عيد الأم
عيد ايه ياروح امك والفلوس دي جبتها منين ومين اللي بيطفح الدم وبيتعب عشان يجبهالك
صحيح انك ولد مش محترم ولا انت اساسا كنت هتيجي منين لولا انا موجود
الام جت عالصوت
جرى ايه ياراجل انت مستكتر اني افرح يوم في السنة وعيالي يحترموني ايه ده كل ده حاطه في قلبك وساكت
الاب
انتي علمتي العيال عصياني وكرهي لما يقدروكي ويجيبولك هدية ويحترموكي وانا لا
وانا مالي انا قلتلهم يعملو عيد ام ماتروح تحاسب الحكومة
الأب
الحكومة بنت ستين.................... احنا خدنا ايه من الحكومة غير الهم والقرف
وقال ايه يقولو حقوق الست دول عاملين ليكم عيد عايزين ايه تاني
ايه الريحة دي الأكل ...............
الأكل اتحرق والولا كل اللحمة اللي في الحلة وهما بيتخانقو
وسلملي على مصر وحكومة مصر
وكل سنة وانتي طيبة يا امي وانت كمانيا ابي
بحبكم
|
