اليوم وكل يوم  نرى أننا ليس الامة والدولة التى إستوصى بها الرسول خيرا

والله قد شككت فى نفسى وأن ينتهى العدوان مستحيل أين المبررات أين الادلة التى تنير لنا شمعة الامل الضائعة, والى متى التهاون .

والله ليس الشعب المصرى بضعيف ولا الامة الاسلامية, هل هذه هى مصر خير جند الارض هل هؤلاء تغيرو أم ماذا والله والله ورب الكون أنا لا أعلم إنى مشتت حرام مش عارف أعبر أقول أيه إخوانى فى مكتوب كتبوا كل ماهو محزن وبينو الطريق الصحيح ولم ينظر أحد كأن شيئا لم يكن .

كنت أشاهد برنامج على قناة فضائية رجل بكى على حال العرب والمصريين أخص وقبل مايكمل كلامه قطعوا  المكالمة استهتروا بمشاعره وتعبيره كمان والله بكيت من شدة الحزن على الحال وكمان التعبير ممنوع.

طيب نعمل ايه أنا عايز أسأل لو فقد شخص الامل ماذا يجب أن يفعل يستطيع الانتحار , قد أوشكت على بل على أبواب فقدان الامل .

أنظروا معى ماذا يحدث ويحيط بنا واحنا والله مافعلنا شىء, نتكلم بالبلدى قليلا ,طيب امتى هانعمل امتى هانتحرك ياناس ياهو امتى امتى هانقول جوه وبره لاء امتى سنة كام علشان اصبرمحدش هايرد صح.

كل يوم مشاهدات وما بنعملش حاجة منها....

• الرئيس بوش فى الزيارة الاخيرة للوطن العربى اقر بأحقية إجتياح إسرائيل لغزة.

حد رد عليه قاله انت غلط حد قال غزة عربية فلسطينية إلى الابد لاء خافو.

·        مليون مواطن عراقى ماتوا فى زمن بوش من غير مانعرف السبب الحقيقى للهجوم.

فين منظمات حقوق الإنسان ولا على الدول العربية بس ,طيب فى حد وقف لبوش وقال أن ده غيرأنسانى

يبقى أحنا فعلا ضعفاء جدا, والله صدام حسين بطل مات بس مات بطل شهيد كان ديكتاتورى بس الفرق بين حال العراق فى حياته وبعدها أنتو ها تعرفو ,وقف وقال لاء ومات علشان صمم على مبدأ عدم الخوف يعنى مات راجل راجل راجل , الله يرحمه.

·        مؤتمر أنابوليس وهى اللعبة اللى ضحك بيها بوش على العرب ووزراء الخارجية العرب الأغبية لاء بل من يدعو الغباء خوفا

راحوا ياعمنا المؤتمر وأتكلموا عن الارهاب والتطبيع مع إسرائيل, وياعينى الكل كان مستنى زى باقى الاجتماعات أن يمكن يكون فى خير, وبعدين كمان أمريكا تتطلب حضور مجلس الامن الاجتماع ,وترفض إسرائيل وكلامها يمشى يعنى إسرائيل هى المتحكمة فين الوزراء دول عملوا ايه.

·        قطاار التطبيع عرفين ليه التطبيع علشان النفط مش علشان عيون العرب, وإسرائيل بتطلب لوجه الله يعنى.

إسرائيل الدولة المتحكمة فى العرب فى وقتنا هذا بسسب الضعف اللى احنا فيه بل متحكمة فى العالم تطلب التطبيع علشان تبتدى تلم النفط , والبلهاء من العرب يوافقوا عليه ال ايه بشرط السلام الشامل ياعم حرام عليكو يعنى إسرائيل ها تسيبكو كده دا مخطط والله إصحوا بقى حرام عليكوا رجعتونا لورا.

• معنى كلمة الشرق الاوسط الجديد كلمة جديدة علينا بس اليومين دول عرفت والله هى ايه.

هى كلمة بمعنى تفتيت وأحلال الشرق الاوسط علشان يبقى لقمة طرية , ولا يمكن علشان يقولوا

إن الشرق الأوسط الجديد اللى هو ملك إسرائيل والله جايز, ماعادى ما احنا ما بنتكلمش يبقى يعملوا اللى يعملوه حد بيقول, لاء خايفين يموتوا فداء الله هو كلمة لاء فى سبيل الحق مش جهاد حد يقولى يمكن انا فاهم غلط, يمكن ما عنديش فكرة ولا أنا ما بعرفش أعبر.

·        الظباط اللى ماتوا على الحدود والقبيلة او العيلة الى كل يوم يقتلوا منها واحد بغرض التطفيش.

قال ايه أن الظباط كانوا 3 وواحد منهم هرب وقتلو أتنين علشان كان بيطلقوا الرصاص على القوات الاسرائيلية وهو إسرائييل كانت ها تسكت هههههههههه لاء احنا اللى سكتنا خايفين والله ,اصل الجرى نص الجدعنة.

والناس اللى بيصفوهم على الحدود والريس بتاعنا مايعرفش أه ممكن يكون نسى أو كان نايم ,طيب سؤال واحد فى مشروع تنمية فى مصر لزيادة وتعمير سينا والحدود وقال عايزين يبقى فى على الاقل (2مليون هناك يعيشوا وينتجوا) يا سلام مين ها يروح  الناس اللى هناك مشيت خايفين على باقى العائلة ,أنا لو مكانهم ها أمشى يعنى أموت أنا وعائلتى ومحدش حتى بيحوش هو أنا ها أحارب دولة لوحدى.

• الاسرى اللى قتلوا من جانب إسرائيل ناس مصرية والله ماتت من غير ذنب مش عارف ليه.

الناس دى أسرتهم إسرائيل على الحدود وقتلوا ومحدش رفع سماعة التليفون وقال حتى رجعوهم ولا حتى الجثث الله يكرمك علشان أهلهم بس يخرصوا شوية,عارفين وزير الخارجية قال أيه لما الشعب إتكلم وقال نقطع العلاقات.الاستاذ قال(لن نقطع العلاقات مع العدو علشان قتل حفنة من المصريين )مالهمش لازمة يعنى وهو احنا هانزودو حاجة مش مهم كلاب وغارت.

• وبعد كل ده إسرائيل لم تقبل زيادة عدد الجنود المصرية على الحدود.

وانا معاهم صح ها نزود ليه أصل مافيش فايدة مش بالزيادة والله ,دا كلام سد حنك يعنى, مع العلم أن الحدود المصرية مع إسرائيل 14 كيلو متر بس يعنى مش فاتحة.وبس ماحدش قال لاء ها نزود الكل خرص.

• لو حصل إن مات واحد فى إى دولة ولو خطأ هاتاخد حقها إلامصر.

فاكرين الأسير اللى فى لبنان الاسرائيلى طبعا دا ماحدش يقدر ينساه ,بسببه إسرائيل أبادت لبنان ومحدش برده يقدر يفتح فمه ولا يقول حرام.أجمل شىء فينا, إننا نتأثر كويس أوى ياعينى نتفرج على الفضائيات ونقول بص الكفرة ولاد الكلب ونشتم ونسب وبس, الله شىء جميل .

• كل شوية تيجى الست رايس لعنها الله فى كل كتاب.

 تلم الحبايب وتتلكك وتقول انا هنا علشان الانفاق والممرات وتأمينها من تسعين سنة بتيجى بالحجة دى خلاص بقى أنا مش عارف والله المفروض نطردها هى وبوش احنا ناقصين دى بلدنا ومشاكلنا داخلية مع بعض ومع العرب انتو مالكو بالجذمة مالهمش حاجة عندنا ,لاء دا كل مرة نستضيف ونحايل خلاص والله زهقنا.

• الادهى وزير الخارجية الالمانى يكره الإسلام ويطالب بنشر الرسوم المسيئة فى شتى صحف أوروبا.

علشان أحنا سكتنا مرتين خلاص مافيش حاجة تانى لابكاء على اللبن المسكوب ,احنا ضعفاء والله ودا اللى بين ضعفنا بقينل ملطشة لليسوى واللى مايسواش

ياااااااااااااااه  معلش أنا طولت عليكو ا وأتكلمت كتير بس ده الوضع الراهن خوف..ضعف..طرش بسبب الخوف برده,وبالتالى يؤدى الى مهانة وأستبداد .

طيب العيب من مين؟

من الشعوب العربية ولا الحكام ولا العيب من الوحشين اللى بيضايقونا,العيب منهم مايعرفوش العيب احنا مش هانرد عليهم دول وحشين أحنا نقولهم ربنا يسامحكوا ونسكت وهما ممكن يزهقو.

المهم أنا أسف بس يمكن عبرت بطريقة غير لائقة بس ممكن يكون فى حل أحنا جربنا كل حاجة وبنجرب الجديدوعندى ندااء.

الراجل اللى مات راجل

• ندااااااااااااااء الى مبارك.

ياريت على الاقل نطرد السفير الاسرائيلى رد على العمليات العدوانية الغير مبررة وسحب السفير المصرى وعدم دخول إسرائلين مصر ممكن لو سمحت سيادتكم ونعمل معاهم حذر إقتصادى لو امكن وشكرا.

أستودعكم فى الله.