قرات اليوم مقالك عن أهل غزة, وشغلة رفع الأصبع... والله عجبتني عجبتني التكملة... والجربات والكنادر .... بس بالله عليك ... بعد ما صار اليوم...ما حسيت حالك مقصر... وانك طلعت مش مبالغ بالمرة ...يعني هاي المرة وبكل صراحة كل الكلمات الساخرة الي انت استخدمتها في وصف الأوضاع مع بعض المبالغة أو السخرية ومرات النكتة السودة...ما وصلتلي الصور.. بس بحب أحكيلك انك هاي المرة فشلت ... فشلت في التعبير ... فشلت  يا كامل هالمرة... انت لم تعبر عن الحال .. انت لم تصل بالوصف حتى بأقل من نسبة ما تكسبه المعارضة في دولنا العربية...

استاذي الكبير النصيرات... أعلن(يعني انت لازم تعلن) انك أول مرة بتحس انك ما قدرت تعبر .. وقلمك ابو شلن ما زبطها ولا عرف لا يخط ولا يشط.... بتطلب من الكل انهم يكونوا شجعان ويعلنوا انهم فشلوا في وزارة أو محافظة أو ...أو .... انت كمان فشلت فشلت انك تعبر بالقلم عن الحال..

والله يا أستاذي العزيز الي بصير بغزة إنه كثير ... لا بقبل العقل ولا القلب ولا المنطق ولا اي اشي .... انا مش عارف شو أحكي ....

كيف انت وانا و30000000 عربي راح نقدر أنا نام الليلة بعد ما شفنا الطفل والطفلة في غزة....

فهمني ..أكتبلي...أشرحلي...أو أحكيلك لم صحابك الطفرانين و الي مش طفرانين وخلينا نقعد ونحاول نكتب سطر يعبر عن الحال؟ برايك بنقدر نكتب جملة ؟؟ والله ما ظنيت... فانا بدي اياك ترفع الراية البيضة وتقول بصوت عالي ..انا فشلت يا قرائي... خلينا كلنا نعترف يا أخي ... والله مش عيب ولا حرام....

 بدي أحكيلك شغلة أهل غزة جيناتهم مش غير جيناتك ولا جيناتي واحنى من نفس الشجرة.. ومن نفس الزيتونة ... بس الفرق انه احنا روحنا بعلاقة خلتنى نحمل الايدز, وراحت المناعة , وطارت المناعة... بس همي شكلهم ما مارسوا علاقة غير شرعية... فالمناعة موجودة..

 بتعرف يا أستاذي, أنا راح أنام, وانت راح تنام....بتعرف ليش؟؟؟؟....لا تستنا مني الجواب...بالله عليك احكيلي انت اذا بتعرف....

وتصبحة على خير يا غزة