ابنى فى الف جدار وجدار
ازرع سلك وشوك وحصار
على وكبر
واما هكبر
كل اللى عملته هينهار
زى ماكان ايام بارليف
طبعا فاكر.. . ماانت مذاكر  لما عساكر
داسو وعدو حدود الصعب..وساعة الكرب يقولو يارب..يزيد الضرب
ماهى الحرب ايمان وعقيدة شهيد وشهيدة ودنيا جديدة وعهد جديد
نصرك عيد
وزى ما رجعت سينا ايدينا ترجع مجد القدس بعزة نفس
وضبط النفس مالهش مكان
ضبط النفس لاى جبان
واللى يقول غير كداب
اللى يقول اننا ارهاب
يرضى بأى خريطة ولفى عبيطة ورسمة حويطة رسمها شارون
واللى غير كده مجنون
واللى يعيش يا ما لسه يشوف
ناس بتموت علشان امتها
وناس بتموت علشان لقمتها
وناس بتموت من كتر الخوف
واللى يعيش يا ما لسه يشوف