أرسل الإدراج التالي

اســمك		مطلوب
بريدك الإلكتروني		مطلوب
بريد صديقك الإلكتروني		مطلوب
الرسالة	يدعوك صديقك لقراءة هذا الإدراج في مدوّنة مكتوب، حريّة الفكر و الكتابة في الوطن العربي	300 حرف كحد أعلى

محتويات الإدراج الذي تريد إرساله: عالمي و عالم محمود كنت بهرب من واقعي التعيس من خلال الأفلام و الا من خلال زيارات صديقاتي. خاصة منها الي كان حضها اسعد من حضي و تمكنت من مواصلة الدراسة. أكثر المرات كانت صديقتي عهود الي كنت معها في الإبتدائي و المتوسط مثل لاخوات. كانت بتجيني عهود و تحكيلي عن العالم الخارجي، العالم الي كنت محرومة منه و الي كنت بشوفه بس من خلال الخرجات السريعة الي كنت بخرجها رفقت حماتي و الا رفقة امي لزيارات اقارب و الا لشراء شي من السوق. عالم الثنوية كنت بتخيله عالم سحري. مدرسة كبيرة و مواد ما كنت بسمع عن اسمائها من قبل و الشبان و البنات الي بيتفسحوا ورا الدروس بحرية و يحكوا مع بعضيهم. كنت بتخيل شارع مليان بالشباب الحلوين مثل محمود لما يحضّر نفسه للجامعة و يلبس اجمل اقمصة عنده و البنطلونات الي كنت بغسلها و اكويها اله بكل حذر و عناية. و البنات كنت بحلم بهم حلوات مثل الورود بيلبسوا قميص ابيض مطروز و تنورة قصيرة لونها كحلي و سباط "بالرينا" كيف ما بيسموه اسود على جوارب بيضا. شعرهم معدل و مطلوق بيشده للورا ب"سرتيت" عليه وردات مختلفة الألوان. شو كانت حلوة عهود و شو كنت بتخيل كل البنات حلوات في شارع الثانوية. كنت بتخيل انه انا كمان كان من حقي امشي بذاك الشارع و احكي و اضحك مع زميلاتي و زملائي. كنت بفكر و بسأل نفسي ليش، ليش يا ربي، ما بقدر اني اروح للثنوية و ادرس كل المواد الغريبة الي بتحكي عنها عهود؟ ليش؟ محمود بعد السنوات الاولة في الجامعة الي كان بيمشي فيها للدراسة و يرجع للحي مع اصحابه القدم و اولاد العموم، صار بيطول كثير بالجامعة و بالمساء بيبقى مع زملائه. حكالي لما سئلته انهم عندهم "نشاطات". - "شوا معنتها النشاطات يعني؟" - "النشاطات يعني... يعني ان نحنا بننضم حوارات..." - "حوارات؟" - "يعني بنحكي!" - "زي ما كنت بتحكي مع اولاد العموم و مع اولاد الحي؟" - "لا هناك احنا بنحكي بالسياسة و بالثقافة... يعني اشياء ما تقدري تفهميها. ما بعرف كيف اشرحلك." - "طب بس عشان هيك يعني انت بتبقا متأخر في الجامعة و مع زملائك؟ يعني عشان تحكوا و بس؟" - " لا يا فيفي، لا! مش عشان بنحكي و بس. احنا بنحكي و بنفكر و بننضم معارض، فاهمة كيف؟ و ندوات و حفلات و بنروح على السنما و المسرح...فاهمة كيف؟" - "طب (النشاطات) دولا الي بتحكي عنها بس للذكور؟ و الا فيه ستّات بتشارك؟" - "لا، كيف بس للذكور؟ ديه بيشارك فيها كل الرفاق، شباب و بنات. كلنا بنساهم و نشارك." - " طب ليش و لا مرة بتخذني معك على النشاطات؟ " - "ما اقدرش يا فيفي. ما اقدرش. فاهمة كيف؟ احن عالمنا غير عالمك!فاهمة كيف؟ و لغتنا غير لغتك و اهتماماتنا غير اهتماماتك! فاهمة كيف؟" فاهمة يا محمود يا ابن عمي. فهمتك يومها و اليوم فهماك اكثر و اكثر. يعني البنت فيفي الي باقية في البيت مش قد المقام. البنت فيفي مكانها ورا الطباخة، و ورا الطنجرة بتاع الغسيل و ورا المكوات... مش بالحلقات و الحفلات و الندوات و اللقاءات و المؤتمرات... كل ديه مش عشانها. كل ديه لغيرها. كنت خجلان بيا يا محمود، ما بتقدر تحكي عليا لأصحابك و صحاباتك. كنت بتنكر حتى وجودي. فيفي كانت شبح يسكن جزء واحد بس من حياتك المزدوجة. فيفي هو الشبح الي بيغسل و يطبخ و يمسح و يكوي و الي انت بتطفي في جسدها نار شهواتك بالليل لما ترجع من النشاطات.

"لا يتحمّل مكتوب أيّة مسؤوليّة عن المواد الّتي يتم عرضها و/أو نشرها في مدوّنات مكتوب. ويتحمل المستخدمون بالتالي كامل
المسؤولية عن كتاباتهم وإدرجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر."