قاعدة أخوانية

أحنا الإخوان عندنا قاعدة مهمة جدا ومؤمنين بيها جدا جدا القاعدة دى بتقول " طول ما أنت بتتحارب يبقى أنت ماشى صح " يعنى أيه الكلام ده ؟؟

يعنى طول ما أحنا بنتحارب من النظام الفاسد وبعض الفصائل الأخرى وأمريكا وإسرائيل بتحرينا عشان أحنا بنقول الحق يبقى أحنا ماشين في طريق رضا الله عز وجل وفى طريق الجنة .

ولو في يوم طلع علينا ولاقينا كل الناس بتحبنا والحكومة بتسعدنا وأمريكا طلعت وقالت الاسلامين حلوين يبقى أحنا ماشين عكس الطريق والكلام ده كله مش جى من فراغ الكلام ده ليه دلائل كثير أوى من أصحاب الدعوات الخالصة وأحب إن اذكر بعضها..

1-من هدى النبوة : أنا مش كذكر مواقف لكن بس أحب أقول أن مفيش يوم كان بيعدى على النبي محمد  صلى الله عليه وسلم   إلا وكان بيتحارب من قريش ومن قبائل ثانية ومن اليهود والمنافقين وكان طبعا ماشى في طريق صح الصح  .

2-سيدنا موسى وما لاقاه من محاربة فرعون

3-سيدنا نوح وما لاقاه من اهل قريته

كل الأنبياء والمرسلين كانوا بيتحاربوا عشان كانوا ماشين صح والحمد لله الإخوان طول عمرهم مشين صح وحيفضلوا مشين صح .

وأحب اقرأ تعليقاتكم على هذا الموضوع وأحب كمان إن كل واحد نفسه يقول حاجة للإخوان يقولها وبصراحة بس بأدب .

وجذاكم الله خيرا