كنت ناوى انى انزل ف المظاهره....

وامسك الرايه وأقول لى كلمه طاهره...

واسمع الغنيوة تانى

ف الزقاق...

أو ف الشوارع....

أو ف عطفة

مش ح ياكلو تانى منك أى قطفه

مش ح ياكلوا غير مرار الشوف

والنهارده مصر واقفه

بس ياخساره المحله

سيحو دم المحله

قطعوها شقفه شقفه

طب ح تعمل ايه ياريس

لما ييجى يوم ميلادك

راح تقول للشرطه تانى..

اضربوهم..؟؟؟

لأ ياريس دول ولادك

هو فيه عاقل بيرمى كل لحمه للديابه..؟؟

طب بلاهم...

هى مصر دى مش بلادك؟

فوق ياريس ..فوق عشان الدم سال

يعنى تار..

واحنا مهما العمر طال

مش ح نبقى أمريكان.