صباحكم الصباحي بالورد والتفاحي ..

من جد انه الجوووع كافر يا ناس ..

في هذا اليوم المبارك الطيب >>> الا وش اليوم ..؟؟

ايه المووهيم .. وانا جالسة احوس واروح واجي في عالم النت فجأة واذ بي احس اني جوعاانه ..

وبما انه الجوع كافر .. أخذت حالي ونزلت تحت اشووف لي شي آكله .. شفت الكل ناايم والهدوء يعم البيت .. الا غرفه وحده .. واقتحمتها بكل ازعااج طبعـا ً .. احم احم والاقي اخوووي فيها .. متسددح ويتفرج عالتي في ..خليته ورحت عالمطبخ .. وااء اكره مكااان بالنسبة لي ..

انا انسااانه مالي علااااااقة بالمطبخ للأسف .. مو بس هيك .. مشكلتي مع المطبخ مشكله عجيبه .. دايمـا ً أحس لاحظوا أحس اني أعرف أسوي كل شي .. ولما اجي أطبق عمليـا ً - اجبارا ً واكراهـا ً من امي طبعـا ً - أكتشف اني ما اعرف ... وطبعـا ً ما يحتاج أقوولكم عن التهزئ وطيحة الفيس .. ووووهـ برمضان صدمة عمري .. اكتشفت اني ما اعرف ألف السبرينغ رول

ما انقذني الا روزي فديت خشتها القميلة أوي أوي أوي .. وهي اللي علمتني كيف ألف الرول بطريقة هادية بعيد عن تمسخر أمي علي

المووهيم نرجع لمحور حديثنا .. رووحت لمطبخنا الحبيب .. وطواالي على التلااجة .. فتحتها وبسطت عندها .. أحوس هنا وهنا لعل فيه اكل .. بس الاخت امي شكلها نااسية انه رمضاان خلص .. نبغى اكل جااهز يتسخن على طول مافيه

لقيت ميرندا برتدان مدري مين حقته .. وشربت منها شوي ورجعتها بكل أدب .. والله يستر بووكرة من صااحبها

أدوور اكل للأسف مافيه .. رحت عند اخوي اللي بالغرفه .. يا ابني جوعاانه ابي اكل .. قال حتى انا والله .. روحي سوي لنا أكل ..

وفجأة انااظر عند التي في .. فيه علبة فريرو روشيه حقت اخووي الكبير .. وانااظر في اخوي هذا .. وكنه فهمني .. قالي لا تفكرين حتى .. أخوك ذا متوحش وما يحب أحد يلمس اشيااءه بدون استئذان .. وش تتوقعوون تذكرت فجأة ؟؟ ايوه ايوه الميرندا هوااا داا بحد زااتووو

يا للهــول لو تطلع حقتوو الميرندا ..

المووهيم جاتني فكرة .. اللي هي نطلب من اي مطعم وصلى الله وباارك .. بس للأسف كان باقي شي 10 دقاايق هيك على اذاان الفجر .. يعني مهنااش حل

للأسف الجووع كاافر كاافر بجد .. كافر وابن كلب كمااان .. اضطريت اني ادخل طبااخة ً الى المطبخ .. وأسوي لي ولأخوي ذا اكل أكسب فيه أجـر .. >> تكفييين يعني موب عشاانه جاب لك كتالوج الساعات تختارين هديه .. ابد ابد مو عشان كذا

المووهيم فتحنا هالثلاجه .. طلعت جبن + خبز

وبيض .. وحليب ابو قوس اللي بقوااطي هذا ..

ولله الحمد والمننننننننه لقيت شاااي مسووينه بالليل قلت اسخنه وخلاص >> مشكلة النااس العجاازين مشششششكله

عملت 4 بيضات طراخ طراخ طراخ طراخ .. وحطيت خبزتين في الفرن >> ما احب المايكرويف ما يطلعون يقرمشون وماعندنا حماصه

بعد الحوس ذي طلعت النتيجه .. ( كوبين شاي بالحليب .. صحن بيض مقلي .. جبن .. خبز ) بصراحه حسيته شووي ويفشل .. عيب يعني .. رحت فتحت الثلاجه ادور شي منقذ .. لقيت علبة قشطة بوك منسدحه ورى اللبن .. ومربي متخبية ورى كيس الخبز ..طلعتهم وحطيت بصحون .. ورحت لأخوي وقلت له سويت لك اكل اكل .. يقوول اكل جد ؟؟؟ احلفي

قلت له اي جد يلا تعال معي .. وجا وشال الصحن اللي فيه الأكل .. وانا جبت اكوااب الشاي بالحليب .. وذهبنا الى حيث كان اخوي .. وجلسنا ناكل .. سألته وش تتابع .. قال ابد خرابيط .. كان حاط على ام بي سي اكشن .. فيلم شكله مرررة باايخ

قلت له باايخ شكله قال اي .. سكتنا شوي .. قام يقوولي عن مسلسل محمله على لاب تووبه وانه مررة خطييير .. ويبيلي اشووفه .. حكى لي عن قصته .. كوميدي نوعـا ً مـا .. شكله حليو من كلامه .. بس يقول ان شفتي حلقه منه راح تدمنين عليه لين تخلصينه كله .. وهذا اللي صاير معه .. الى الآن منزل 4 سيزونز منه وشاافهم كلللللللهم ورى بعض ..

فقالي لو تبينه انصحك شوفي كل يوم حلقة وحده بس عشان ما يجيك ادمان عليه .. ونظمي وقتك والخ الخ الخ ..

قالي انه المسلسل كندي .. وهذا شي غريب بالعادة المسلسلات امريكية او اوروبية .. فقالي اسألي مدرستك عنه ( مس زينا كندية ) .. قلت له اووكي خلني اشوف مكان فاضي على لاب توبي وارد لك خبر ..

تكلمنا شوي في شوية خرابيط زي سرعات الدي اس ال في الدول الثانية مقارنة ً بالسعودية .. أستغفر الله بس .. الخدمة الأسوأ بالمقابل المادي الأغلى ..بينما مصر لاحظوا مصر الخدمة الأفضل بالسعر الأرخص ( اخوي ذكر لي هالمعلومة من مصدر موثوق فيه .. موقع خاص بتقييم خدمات الدي اس ال ) .. طبعا ً اتكلم عن الدول العربيه ..

بجد شركة الاستهبالات السعودية مصختها .. من جدددهم ذول ينطرووني ساعه ..؟؟ سااااعه كااملة على التليفون عشاان يجااوبون على خدمة العملاااء ؟؟؟ أكرررررررررررهك يالاستهبالات السعووووودية

وخلصنا اكلنا وشلنا قشنا الى المطبخ .. وتركناه طبعا ً .. أجل تبوني اغسل المواعين ؟؟ صاير كنه مطبخ عزابية من بعد حوستي .. احم احم

الموهيم اننا اكلنا وبس ..ورجع اخوي يتسددح ذات الانسدااحه حقتووه اللي تو وانا رجعت فوووق للاب توبي حبيب ألبـي .. وهلأ عبدالمجيد يقووول يا سييييدهم ويينك .. خليتني بغربتي .. فيها اسااهر دمعتي .. آآهـ بس يا سيييدهم وينك ؟؟؟

يا انتاا وينك .. وينك وينك .. وووهـ وش ذا الاغنية يا عبدالمجيد .. ختيرة يبغى لها رقص بس مو ع الصباح عاد تقل موسوسة هههههههههههه

بجد بجد وينك يا سيدهم  ؟؟

يلا بون وي كلياااتكووون ..

هذوو المقنوونة غفر الله لها ...

\\