محتويات الإدراج الذي تريد إرساله:
حمار نت
وانته بتعمل شات خليك ناصح
وخليك مفتح عنيك
متخليش حد يشتغلك
1- ازاي تعمل شات صح ؟
2- ازاي متخليش حد يشتغلك عالشات ؟
3- ازاي البنت تحافظ علي نفسها عالشات ؟
4- ممكن يحصل ايه للبنت عالشات ؟
انته مراقب عالشات ؟
وانته عالشات خلي بالك لازم تبقي عارف انته داخل ليه تتسلي مش عيب بس بكل ادب واحترام
واعمل حسابك انته مراقب قولي من مين ؟
1- من ربنا خلي بالك
2- من ضميرك
3- الهكرز تقدر توصلك في اي وقت وتتجسس علي صورك كاميراتك مكالماتك علي جهازك
4- من الشركه اللي انته داخل من عندها الدي اس ال عن طريق الاي بي ادرس
5- من تليفون البيت لو انته داخل من البيت عن طريق الاي بي ادرس
6- من ناس تانيه كتير ممكن تجيبك الساعه 2 بالليل
7- قدامك احد الطرق لو خايف :
- استخدم انترنت اللسلكي
- او الفاي ماكس مش عارف مكتوبه كدا صح ولا لاء ؟
- او انك تقفل الجهاز وتروح تنام
ازاي تعمل شات صح؟
1- خليك محترم في اسلوبك لو حد شتمك اعمله حزر او متردتش عليه
2- عرف نفسك بشكل شيك ومتبقاش كئيب او لحوح
3- بلاش تسال عن بيانات شخصيه
4- ابعد او حاول ماتتكلمشي في الدين – السياسه – الجنس اولا علشان الدين انته مش مؤهل وهاتعك
السياسه هاتشم وخلاص وانته مش فاهم ولا هاتقدم حلول
بلاش تتكلم في الجنس وخليك متحضر ومحترم لو كان الموضوع جدي
يبقي ممكن تتكلم بادب وبشكل واحد محترم
5- بلاش تكون مروج للاشعات يعني خليك انسان معتدل مهتم بجميع نواحي الحياه ومشارك فعال مش سلبي
6- لو لقيت اللي بتكلمه مشغول سيبه وبلاش تكون لحوح
7- لو حسيت ان اللي بتكلمه بتهرب منك اعمله حزر وخليك تقيل
8- وانته بتتكلم في اي موضوع بلاش تهاجم حد لكن قدم اقتراح او حل
9- لازم تفرق اوووووووي بين النقد الموضوعي والنقد الشخصي
10- احزر او حاول ان لا تثق في اي حد عالشات
11- حاول ان تكتب الانجليزيه علشان تتقنها اهي حاجه تتعلمها والسلام
12- خد رائ اللي بتكلمه في كل المشاكل اللي بتقابلك بس اوعي تصدقه يعني شوف لو هو مكانك كان يعمل ايه ده بعد ماتتعرفوا كويس
13- حاول تفتح مواضيع عن المستقبل بعد 20 سنه مثلا ايه ممكن يحصل
14- اتكلم في القضايا المطروحه واعرض حلول هي طبعا نظريه بس هاتنمي فكرك
15- قبل ماتعمل شات ممكن تاخد جوله سريعه علي مواقع الاخبار علي النت 10 دقايق مثلا
16- متخليش حد يخوفك الخوف مرض معدي جداااااااااا
17- متخليش حد يصيبك بالاحباط وسواد الدنيا ولاتدعك يأسك يهزمك تمسك الحياه وانظر الي اجمل مافيها وابتسم
ازاي متخليش حد يشتغلك عالشات ؟
الشات كله اشتغلات لكن بردك في حاجات كويسه متخليش حد يشتغلك :
1- ممكن يكون واحد صاحبك بيكلمك بحساب تاني علي اساس انه بنت وعايز يضحك عليك
2- ممكن تكون خطيبتك بتعمل ليك كمين وبتشوفك بتلعب بديلك ولا لاء وتدخل باسم حد تاني
3- لو انته كنت صايع وبتاع حريم خلي بالك من الكلام ده :
- هتلاقي بروفيل واسماء كتيره بتاعه حريم تحمل معاني الجنس
- هتلاقي بنات حاطه صور عريانه
- هتلاقي بنات كتيره حاطه بروفيل لراغبي المتعه وكمان الموبيل
- هتلاقي ناس بتقولك انا تحت امرك بس بشرط ابعت كارت شحن
- اولا ممكن متكنشي بنات يكونوا اولاد بيحبوا يشتغلوا الناس عالشات
- ممكن يكونوا اولاد بس شغالين شغلانه كدا بطاله من الاخر تسهيل اعمال
- ممكن يكون اولاد بس عندهم شذوذ بلاش قرف
- ممكن يكون بجد حريم بس هايشتغلوك يعني هاتبعت انته كارت الشحن وهي هاتديك بمبمه
- البنت هاتكلمك مايك او موبيل خلي بالك اوعي تريل عليها علشان :
اولا هي بتكون معاها اكتر من رقم موبيل يعني موبيلات الشغل والموبيل الشخصي بتاعها
يعني في اي وقت هتكلمها علي الموبيل ممكن تلاقيه مقفول خط الموبيل بقي ب5 جنيه
- ممكن انته هاتطلع ناصح هتقولها شغلي ليا الكاميرا الاول علشان اتأكد هي هاتطلع صايعه وتشغلها ثواني وتقفلها بس خلي بالك هي بتشتغلك قولي ليه ؟
اوقلك هي هاتشغل الكاميرا بس علي مقطع من فليم جنسي وانته هتشفها هاتتهيل وتريل
انته تعمل ايه اطلع اصيع منها قولها انا مش شايف حاجه من فضلك شغليها تاني
هي بفطريه هاتشغل نفس المقطع تاني بزمتك ده يبقي ايه ؟
هتتغاظ منك وتشتمك وتشوف زبون غيرك يكون مغفل عنك
ازاي تحافظ علي نفسك للبنات فقط ؟
خلي بالك اول الرقص حنجله وانتي بتعملي شات :
1- ياريت يكون الاسم بتاعك مفهوش مياصه اختاري اسم عدل
2- البروفيل بتاعك اكتبي فيه كلام محترم ده لو كونتي عايزه تبعدي عنك عفاريت الشات
3- بلاش تضيفي احد متعرفهوش
4- خليكي تقيله في الكلام ومتجريش ورا اي حد يكلمك ويقولك كلام حب او يمثل عليكي
5- لو حد شتمك بلاش تردي عليه اعملي ليه حزر او سبيه يتكلم ومتقريش كلامه
6- لو حد بعت ليكي اي ملف بلاش تاخديه ارفضي ممكن يكون :
- فيرس
- صور قليله الادب
- هاكرز للتصنت علي جهازرك
- بلاش تدي موبيلك لاي حد لانه ممكن يوزعه علي صوحابه او يحطه عالنت
- بلاش تبعتي صورتك كملف لاي حد مهما كنتي تثقي فيه لو ضروري اعرضيها عالبروفيل يشفها وغيريها علي طول
- بلاش تفتحي كاميرا لاحد
- لو ضروري ممكن تتكلمي مايك بس خلي بالك من الكلام الجاي ده :
- لو ضوري حد ياخد موبيلك وياريت بلاش ياخده متخلهوش يكلمك بالليل بعد الساعه 12 علشان غالبا الكلام هايكون في الجنس
7- ممكن يحصلك ايه من الشات :
- اولا لو بتقعدي عالشات وقت طويل هاتبقي مدمنه شات ولازم تروحي لدكتور
- لو ارسلتي صورك لاحد ممكن يحصل ده :
اما يبعتها لاصاحبه
اما يحطها علي اي موقع جنسي
اما ياخدها ويعمل شغل عليها بمعني اصح يركب عليها فليم واللي مايتشري يتفرج
لو صاحبك ده امين ومش هايعمل كدا ابداااااااااااااااااااا ممكن اي حد تاني يعمل كدا بس ازاي
لو صحبك اتفرج علي صورك ومسحها في برامج بترجع الملفات الملغيه دي تاني يعني ممكن اي حد يشوفها او ياخدها
ممكن اي هكرز من بره يدخل علي اي جهاز ويتفرج وياخد اللي هو عايزه
- لو عملتي محادثه علي المايك او التلفيون العادي او الموبيل ممكن يحصل الاتي:
ممكن يسجل ليكي المكالمه ويمسكها ليكي زله
ممكن يكون فاتح المايك ومعاه صوحابه
ممكن يسجل المكالمه ليكي ويحط ملف الصوت علي اي موقع جنسي او يركب الصوت علي فليم
ممكن اي حد يتصنت علي المكالمه بتاعتك لو كنتي علي النت من الهاكرز
- لو عملتي محادثه علي بالكاميرا قولي عالدنيا السلام والله يرحمك بقي :
ممكن اي هاكرز ياخد منك الكاميرا يعني يكون شريك في المشاهده مع صاحبك
وكمان صاحبك هايجي عنده الفضول ان يسجل ليكي فليم حتي لو كانت محادثه الكاميرا بريئه من باب الزكري او هوايات جمع الافلام
في الحاله دي يبقي بلاش تكملي باقي اللي انا بتهبب واكتبه
ومش كاتب حاجه
رايح انام
سلام
|
