محتويات الإدراج الذي تريد إرساله:
ماحلاها عيشه الحموريه
متلعبشي في الحريه احسن تقفل علي ايدك .
جربت اعيش الحريه معرفتش
قلت اجرب الحموريه ومش هاخسر حاجه غير بردعه ولجام
انهق اه ارفص لاء .
 
كنت في سنه اولي اعدادي
وجلست مع اصدقائي
وقلت لهم انني اخذت قرارا ارجوا ان تعينوني عليه
عايز ابوس البت يارا جارتنا امام باب الشقه وقد فعلت
ولكن لم اشعر بطعم حاجه لاقيت باب شقتنا اتفتح وجزبتني امي من الخلف وظلت تضربني بالشبشب
وفجاءه توقف الضرب وجلست امي تبكي
سالتها مالك ؟ قالت عجبك كدا الشبشب اتقطع .
وبعدها فرضت امي بعض العقوبات الاقتصاديه بغرض الاصلاح وبدات تتدخل في شؤني الداخليه
حتي قطعت علاقاتي مع جيراني .
تزكرت هذا الان حين سارعت بلدنا في طرح حزمه تطوير التعليم فسلكت نهج امي
فضربتني بالشبشب لا نفعت تربيه ولا نفع تعليم ولا فضل الشبشب سليم
بعد ان نجحت بلدنا في تطوير الزراعه قالت نطور التعليم في جلسه عرب 10 دقايق عالسخان كدا
مشهد 1
جدول الاعمال:
1- مفهوم التطوير تحويل الطالب من طور بيفهم الي طور الله في برسيمه
2- تخريخ طالب ملوش في الطور ولا في الطحين
3- بس احنا قضينا علي الطحين وباقي الطور تعرفشي مين الطور ده ؟؟؟؟؟؟؟؟
4- ياعم والله شكلك عايز تودينا في داهيه ؟ الطور هو الطالب
5- سياسه التعليم تخريج طالب سايس يبرطع في سوق العمل
6- خلق اسواق جديده للخريجين غير (سوق العبور – سوق السيارات – وسوق الجمعه ....
7- ذياده المؤسسات التعليميه غير ( مؤسسه الزكاه – مؤسسه السلام .....
8- فتح الباب اما الراقصات في منظومه التعليم :
دور تربوي ( بغرس مفهوم ان الراقصه صاحبه رساله وميسد كول ولها دور وطني في المجتمع )
دور تعليمي ( تعلم تنميه مهارات الطلبه في الهز – الرعش - والقصع
وانتاج الاسطوانات المدمجه بغرض الترفيهه )
مشهد 2
فصل التربيه عن التعليم :
ح1 ياجماعه تجربه فصل الانتاج عن التوزيع ممكن نعملها علي التعليم ونجربها؟
ح2 تقصد نفصل التربيه عن التعليم ؟
ح1 ايوه ياجماعه مفيش مشكله وادينا بنجرب ورانا ايه
ح2 احنا التعليم في بلدنا 3 حتت ( ابتدائي وفي مشكله في سنه 5 و 6 ومش عارفين نحسمها -
الثانويه خلنها 3 سنوات منفعشي خلنها 2 ومنفعشي طب نعمل ايه ؟
ح1 نعمل حمله دعايه كبيره اوي ونخلي الطالب يكتفي بالتعليم الثانوي
ح2 الثانويه في مصلحتك اولاها خدها في العضل او خدها في الوريد بس ماتخدهاش في حته ضلمه
ح5 ياجماعه حرام عليكم عمليه التعليم في بلدنا بقت عمليه انتحاريه ينفذها الاب علشان يعلم ولاده
فيموت ويترك اولاده اطفال شوارع وتدين بلدنا العمليه وتطلق علي اولاده اسم محدود الدخل
ح4 معقوله التعليم بقي عمليه ؟ يعني ممكن ينسوا في دماغ ابني الفصل ولا المدرسه ؟
ح5 ياجماعه نركز علي التربيه الطالب بقي يتجوز عرفي وبقي يحشش في الفصل
ح6 ياعم احنا هانطور ونعمل اللي علينا هو انته محشش وضامن جنه ؟؟؟
ح7 ازاي بس نركز علي تربيه الطالب اذا كانت الراقصه بتروح له لحد الفصل ؟
ح8 خلاص يبقي نركز علي الراقصه ونديها حصص زياده ( العاب – تدبير منزلي – او رقص شرقي )
مشهد 3
عمليه الصدمه والرعب:
ح8 عندي اقتراح ؟ قول ياصلاح
ح7 التعليم بيخسر يبقي نبيعه
ح12 انته مجنون ازاي نبيع التعليم ؟ طب قول نوقف العمليه التعليميه 10 سنوات لحد مانفكر
ح5 احسن حل نستورد طلبه متعلمه من بره جاهزه اهو شرا العبد ولا تربيته
ح1 ياجماعه احنا نعمل عمليه في التعليم ونسميها الصدمه والرعب زي بتاعه امريكا في بغداد
ح2 بس انا سمعت اللي اتصدم واترعب فيها الجنود الامريكان
ح1 متوسط عدد الكتب الدراسه في السنه 15 ومتوسط سنوات التعليم 15
عدد الكتب = 15 * 15 = 225 كتاب للطالب احنا نسلمه الكتب دي ويجي بعد 15 سنه الامتحان ونخلص منه
ح2 بس كدا ممكن الكتب تضيع من الطالب
ح1 ياعم الكتاب اللي يضيع يجي يطلع عليه بدل فاقد ونخلص
ح2 بس التجربه دي ممكن تفشل ؟
ح1 يكون احنا مشينا او الطالب يكون اتصدم و ابوه مات من الرعب او زهق واتسرب من التعليم
ح2 طب افرض التجربه دي نجحت واحنا كنا لسه موجدين ؟
ح1 بسيطه نعمله ترم تاني هههههههه
ح0 الموافق علي قفل باب التعليم والانتقال الي رحمه الله ( موافقه )
مشهد اخير
التعليم وسنينه :
مواطن : لالالالالالالالالالالالالالالالالاء
مراته : مالك يارجل كل ليه تقوم من النوم مفزوع
مواطن : التعليم في خطر
التعليم وسنينه....
التعليم وسنينه....
التعليم وسنينه....
|
