أرسل الإدراج التالي

اســمك		مطلوب
بريدك الإلكتروني		مطلوب
بريد صديقك الإلكتروني		مطلوب
الرسالة	يدعوك صديقك لقراءة هذا الإدراج في مدوّنة مكتوب، حريّة الفكر و الكتابة في الوطن العربي	300 حرف كحد أعلى

محتويات الإدراج الذي تريد إرساله: تسعة وعشرون شيباً ( وبقيت منذور للحزن ) ******** وبقيت منذور للحزن من يونية 79 وانت بترفض .. تتعامل مع الطرح الموت حواليك على إنه حقيقة من يوم مااخدها التاكسى لمستشفى المواساه واتنطرت من عينها اللهفة بتحضن خوفك مع رعشة أخر حرف ف كلمة راجعالك وانت مكدب كل اللى بيحصل قدامك العمال اللى بتنصب قدام بيتكم ف صوان اليتم المترصع بالشفقة حشد قرايبك اللى اتملت الشقة بهمس نحيبهم فاجأة واللى انت بقالك أكتر من ست سنين ما سمعتش عنهم حاجة صوت الطبلاوى الطالع من تسجيلكوالإيوا المركون على رف قديم ف الصالة أثر الصادمة البادية على وشوش اخواتك وسط حريم العيلة حتى الخطين الغامقين اللى اتحفروا ف وش ابوك مع ريحة الوجع الفايح من عينه تجاهك مع مسح إيديه على شعرك كل التفاصيل بتقول .. إن انت بقيت منذور للحزن كان نفسك حد يقولك زى مابتشوف ف الافلام العربى ( سافرت لبعيد .. وحتتأخر كام شهر هناك ) كان نفسك حد يصد كهولة عيل حواك مستنى نتيجة الابتدائية بعد يومين كل اللى عينيك شايفاه تكرار لسيناريو صحيت من نومك مفزوع مش عايز تفتكره مع إن( الموت ف الحلم حياه) قالت كده قدامك وانت مصدقها طب لوماتت فعلا .. إيه ح يخليها تقولك ( راجعالك ) إيه ح يخليها تسيبك تستنى حاجات أخدتها وح تموت وياها سبت الدنيا وراك بتعيط .. وبتنعى غيابها ودخلت اوضتها .. تحضن ف حضورها الطاغى على الموت مع حيرة اسئلتك الى استعصى عليك تلاقى لها إجابة إلا ف وقت ماغمرك إحساس بيفك طلاسم حيرتك دايما قبل ماكنت بتوصلّه كات تتهدم كل جسور الحكايات اللى انت بقيت محسود علشانها من صحابك مع كل بنات الشارع دايما كات تفشل تاخدك وتقرب بيك لجلاله كل النزوات المرمية ف هامش حواديتك بس انت ضحكت عليه ف الآخر وفضلت مكدب ألاعيبه اللى بعتها ذهول ف وشوش اخواتك وقرايبك وف طقمة ضهر ابوك قدام الدنيا من حقك تفرح بعد ماقدرت ( همسة ) من خلف قزاز حضَّانة ف مستشفى الشاطبى ترجعلك بنتيجة الابتدائية اللى انت قعدت بتستناها من يونيه 79 ولغاية يوليه 2003 جـــــــــــــــــدة 2008/6/22 تسعة وعشرون شيباً اليوم 22/ 6/2008 ياااااااااااااااااااااااااااااااااه تسعة وعشرون حزناً تسعة وعشرون إحتفالاً بعيدك وأنتِ غائبة تسعة وعشرون شيباً يثقل كاهل روحى وأنتِ بعيدة تسعة وعشرون وجعاً مارس طعنه يتمى تسعة وعشرون شتاءً بلا غطاء من دفئك تسعة وعشرون صيفاً حرق طفولتى التى لا زالت تفتقدك تسعة وعشرون خريفاً نهشت كآبتها سنوات عمرى تسعة وعشرون ربيعاً إنتظرت ولم يأت بعد تسعة وعشرون قصيدة فشلت أن أكتبها ... وتركت البكاء يقدم إعتذاراً لروحك تسعة وعشرون فرحة أجلتها ولم أزل .... تسعة وعشرون وطناً جربت.. ولم يفلح وطناً منهم أن يحل محل حضنك تسعة وعشرون وجهاً تبدل ليقنعك أن تأتينى ولو حلماً فى نومى تسعة وعشرون إمراة أثبتت الأيام فشلهن الذريع ... فى القيام بأقل ادوارك تسعة وعشرون دمعة إختنقت ولم تزل حينما يصافح وجه روحى صباح هذا اليوم من كل عام ترى ..... كم بقى من عمر ؟!**

"لا يتحمّل مكتوب أيّة مسؤوليّة عن المواد الّتي يتم عرضها و/أو نشرها في مدوّنات مكتوب. ويتحمل المستخدمون بالتالي كامل
المسؤولية عن كتاباتهم وإدرجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر."