محتويات الإدراج الذي تريد إرساله:
التصميم عندى زى الأكل و الشر .. صعب
بسم الله الرحمن الرحيم
التصميم عندى زى الأكل و الشرب
صعب
خدت بالك ( التصميم عندى زى الأكل و الشرب . . صعب )
أنا مثلاً ما باعرفش آكل إلى الحاجه اللى شكلها حلو و منسق
و مهتم بيه
و لا أرضى عن أى مشروب إلا لو كان فى أبهى منظر ممكن
و لا أرضى عن التصميم اللى بنفزه إلا لو كان فى منتهى الإتقان
علشان الثلاث أسباب السابق ذكرهم أنا بأتمتع بقدر هايل فى ضآلته من الصحة و البنيان القوى
غالباً باكل وجبه واحده فى اليوم
علشان ما بعرفش آكل إلا فى البيت و بالمواصفات القياسيه المنزليه
و لا أعرف أشرب إلا فى البيت أو معلبات بطعم المواد الحافظه و الألوان الصناعيه
و لا أعرف أصمم إلا على جهازى و أنا قاعد فى مكتبى و بالبرامج اللى أنا مسطبها
وده هو مربط الفرس
هو أيه ؟ ؟ هو إن أنا ( و لا أعرف أصمم إلا على جهازى و أنا قاعد فى مكتبى و بالبرامج اللى أنا مسطبها )
وده اللى مخلى تصميماتى قليلة رغم إن الوقت اللى باقضيه على الجهاز كبير
معلش دخلتكوا فى شارع سد
بس كان لازم أ . . . .
لازم ليه . . مش عارف
يمكن بابرر ( من تبرير ) يمكن بأبرر أدامكم و أدام نفسى قلة إنتاجى ؟ ؟
يمكن
و لا يمكن بادى لنفسى العزر لأنى لحد دلوقتى بعد عشر سنين تصميم لسه مش مشهور
و لا يمكن .......
ما تشغلوش بالكم . . . . .
أظن الفكره وصلت . . .
أنا هنا هاعرض تصميماتى
بس التصميمات الى بترتبط بمعانى و أحداث و أفكار تهم الناس
لأن لو عرضت عليكم التصميمات اللى ما تهمش غيرى
هاتبقى مشكله . .
كل يوم تصميم جديد من تصميماتى القديمه
بعد كده ما عدتش هاكتب فى الباب ده هانشر التصميمات بس
أتمنى تعجبكم
و أتمنى تحوز على شرف تعليقاتكم
سلام
|
