صلاح الدين وانا
رجعت با الزمن كتير لحد ما وصلت لحبيبى صلاح الدين الايوبى وكنا قاعدين على بحيره طبريه بنصطاد سمك عادى يعنى وكان هذا الكلام
صلاح مرحبا بك يا على كيف حاللك
على الحمد لله يا ابوصلاح وانت ايه اخبار الحروب والصليبيين وكده
صلاح نحمد الله على نعمه
على يعنى ظبط المسائل يا باشا وشرفتنا كده
صلاح الحمد لله لقد نصرنا الله نصرا عزيزا ونحن الان على مشارف القدس وكنت اتمنى ان تكون معنا لتحضر هذه الحرب
على واللهى مشاغل يا مان بس اوعدك لما الحكام بتوعنا تجيلهم فكره الحرب ويقرروا يحرروا القدس هكون معهاهم ربنا يدينا ويديلك طولة العمر
صلاح وماذا يمنعهم من اتيان الحرب وتحرير القدس الشريف
على حاجات كتير يا ابو صلاح اولها الامكانيات مفيش امكانيات لا ماديه ولا بشريه
صلاح ماذا تقول يا رجل كيف ذالك
على احنا اه عندنا كل حاجه بس كل حاجه فى اتجاه لوحدها يعنى كل شى ء مستقل بذاته
صلاح كيف
على يعنى الامكانيات الماديه عند كام بلد والامكانيات البشريه عند بلاد تانيه والعقول كلها بتاعتنا بنصدرها للدول المعاديه من باب اننا مش محتاجين عقول احسن من اللى عندنا با اختصار احنا مش شايفين بعض ولا خايفين على بعض ولا بنحب من الاساس بعض
صلاح لا حول ولا قوه الا با الله ومن يحارب من اجل تحرير القدس
على واللهى مش عارف اقوللك ايه يا ابوصلاح بس تقريبا اهل البلد اللى هما اول ناس المفروض يدافعوا عنها دلوقتى بيدافعوا عن نفسهم من بعضهم والدنيا هناك بقيت هيصه ما تعرفش مين بيحارب مين وعلشان مين ولا علشان ايه
صلاح يعنى مبدا فرق تسد فرقوا بين الاخوه علشان يقدروا عليهم
على يا سلام يا ابو صلاح هو ده الصح زى ما بيعملوا فى العراق با الظبط
صلاح هو العراق ايضا تم احتلاله
على ايه يا صلاح انت مش عايش فى الدنيا ولا ايه من زمان بعد افغانستان بشويه
صلاح بس لا تكمل كلام لقد ضاعت العرب
على ايه يا ابو صلاح روق اومال لا ضاعت ولا حاجه كله با الصبر اهدى كده ووحد الله اومال كدة هتضيع نفسك هو احنا عندنا كام ابو صلاح
صلاح وين الحكام والملوك والولاه العرب
على موجودين طبعا يا باشا وبيجتمعوا وبيقولوا احلى كلام وربنا لو سمعتهم الدموع هتنهمر همر من عينك من فرط الحماس بتاعهم ونيتهم للتحرير بس عن طريق معاهدات السلام
صلاح الحمد لله هناك اتفاقيات بينهم وبين المحتلين لالغاء احتلالهم لاراضينا العربيه
على مش قوى كده يا صلوح المعاهدات دى اذا اتنفذت طبعا احنا هنتنازل عن جزء من اراضينا للمحتلين مش خوف ولا جبن ولا لانهم اجدع مننا وبيقدروا يحافظوا على اللى بيقولوا انه حقهم لا احنا بنعمل كده علشان احنا طيبين ومسالمين بس هما يرضوا يعيشونا جنبهم
صلاح بتطلبوا رضاهم فين حين انهم هم من الاولى يطلبون رضاكم لانها ارضكم
على لا ما اسمحش انك تقول كده هما يطلبوا لا حاشا وماشا هما يؤمروا واحنا ننفذ وبعدين ما تكبرش الموضوع يا صلح احنا كمان مش ساكتين احنا بندعى عليهم كل صلاه جمعه مش ساكتين
صلاح وبالنسبة لموضوع السلاح بتسلحوا جيوشكم بنفس اسلحتهم ام لا
على شوف برضو الكلام سلاح ايه يا صلح دول عندهم سلاح فتاك اسلحة نوويه مش عندنا ممكن يخلصوا علينا فى لحظات
صلاح وانتو ليه ما عندكم مثل هذا السلاح
على لا احنا عاملين اتفاقية منع انتشار الاسلحة دى بينا لانها اسلحه محرمه علينا واحنا بنتمسك بمعاهداتنا حتى لو فيها ضياعنا
صلاح على الاقل لا تشتروا منهم ولا تبيعوا ا لهم ولا يتم التعامل بينكم ابدا حتى ينتهى هذا الاحتلال
على لا الحكام بتوعنا فى الاول كانوا بيبيعوا ويشتروا منهم بس من غير ما يقولوا كانو مخبيين دلوقتى الموضوع بقى عادى وبنعمل اتفاقيات معاهم تلزمنا اننا نشترى منهم ونبيع عادى كاننا اصحاب بس يعنى واخدين على خاطرنا من بعض ومصارين البطن بتتخانق يا صلح
صلاح دا كداانتوا اكتر من الاخوات يا علوش
على شكللك مش مصدق اننا اكتر من اخوات هقوللك على حاجه هخليك تصدق ايام الحرب على دوله العراق العربيه الشقيقه احنا فى مصر كنا فاتحين قناة السويس للسفن الحربيه بتاعتهم علشان تعدى وتروح تضرب وكان فى قواعد عسكرية للمحتلين فى معظم الدول العربية الشقيقه المجاوره يعنى تقدر تقول اننا عملنا معاهم اللى ما بنعملهوش مع اهلنا اخوات اخوات يعنى
صلاح استودعكم الله يا على
على رايح فين يا ابو صلاح يا صلح استنى بس هكمللك ده احنا كمان اديناهم بترول وقولنالهم معلومات عن اخوانا با العراق استنى بس يا صلح هتعمل ايه استنى ما ترميش نفسك صلاح يا ايوبى رايح فين انت زعلت من اية بس استنى انا مش بعرف اعوم
وهكذا وبعد كل ما سمعه عن احوالنا وعرف انه مفيش فايده رمى نفسه فى بحيره طبريه وانا لله وانا الية راجعون
انا رايح اشوى السمك بقه سلام
