محتويات الإدراج الذي تريد إرساله:
اللقاء الثانى
اللقاء الثانى
باعد الزمان بينا غير ملامحنا
غرب خطانا عن الطريق نسانا أفراحنا
طبطب علينا حلمنا و دوى لنا جراحنا
و قال لنا بكره تتلاقى أرواحنا
بس المهم مع اللقى نبقى إحنا هو إحنا
*****
وأما أتقابلنا مره صدفة *** مكانش فيكى كثير ملامح من زمان
شفت فى عنيكى ألف معنى لبسمتك *** كان فيكى نفس الروح و فيكى حنان
و أما عنينا من بعيد جت سلمت *** أرواحنا حنت للهوى وإستسلمت
ظنينا إن العمر كان واقف بنا *** و قلوبنا كسرت صمتها و أتكلمت
بس الكلام مكنش له نفس الصدى *** مبقاش يزلزل فى القلوب و يهزها
و فى العيون حاجات كثير إتغيرت ***حتى الدموع ما بقتش هى نفسها
أصل القلوب من بعدنا عن بعضنا ***نسيت أحاسيسها و نسيت نبضها
و زى ما زمنا غير ملا محنا *** برضة القلوب إتغربت عن بعضها
*****
و بعدنا تانى و كل واحد له طريق *** مبقاش يضمنا نفس المكان
و أما إتقابلنا صدفة تانى من جديد ***ما لقيتش فيكى كثير ملامح من
زمان
شفت فى عنيكى نظرة عمرى ما شفتها*** ولا شفت فيها الصدق ولا شفت الحنان
وما كنش فيكى أى معنى لبسمتك *** ولا روحى حست ويا روحك بالأمان
|
