الرحمن  - الرحيم - الغفور - المجيب - اللطيف - الودود - العفو - الرءوف - الرشيد

دى بعض من اسماء الله الحسنى ... مرت علينا كتتير بس مين فينا حسها ... مين فين حس بجد ان ربنا رحيم .. انه مجيب .. انه ودود

بصراحة انا حسيت بيها لانى فى مرة كنت فى ازمة كبيرة اوى اوى ورفعت ايديا ليه وطلبت منه يرحمنى وفعلا ربنا استجاب ليا دى مش قصة من خيالى دى قصة بجد حصلت معايا ...وبعدها كتبت القصيدة دى

علشان كدا انا بحب ربنا جدا جدا واتمنى يكون راضى عنى

انا هاتوقف عن الكتابة فى شهر رمضان لانه ليه طقوس معايا خاصة  ومش هاكون فاضى ... اشفكوا بعد العيد

بجد هاتوحشونى جدا جدا ... رمضان كريم

وتقبل الله منا ومنكم صالح الاعمال

يا رب

ناديتك يــــا ربى ونعم المجيب

قريب منى ديما حبيبى وحبيب

ولو حتى انى عصيتك فى يوم

فعارف يــــــا ربى بأنك رشيد

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 

يـــــا رب عزى فى ذلى اليك

يا رب تايه مصيرى فى ايديك

سعـــــــيد لانى ساجد يوماتى

لأول واخر ولا لـــــه شريك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 

خايف يا رب لقاك فى يوم

ذنوبى كتير بعد الـــــنجوم

ولو سألت عنها يــــا ربى

هقول رحمتك يــــــا قيوم