كنت قاعد من كام يوم بتفرج على فيلم فيه مشهد   اعدام واحد وسألت نفسى هوا انا ممكن اموت على حبل المشنقة  ... وقلت لنفسى طبعا لا .. هوا انا عملت ايه انا مسالم وفى حالى ... ردت عليا نفسى وقالت هوا يعنى صدام مثلا كان يتصور انه يموت على المشنقة .. المكتوب علينا محدش يقدر يعرفه  ... وديماً بنتفرج عليه من بعيد كأنه غريب .. لغاية ما يطب علينا مرة واحدة

المكتوب

من فينا عــــــــــــــــــــارف لفين رايح

ساعة شروق الامل كان فيه الم طارح

ووردة حـــــلوة ف حضن القدر نايمة

خـــــــــــايفة تفتح تلقى الزمن جارح

  ــــــــــــــــــــــــــــــــ

قدر ومـــــــــــاشى بحد السيف

يجمع يفـــــــرق ف لمح الطيف

يضحك ويرقص شماته يوماتى

سعيد بـــــــــــأنه جلاد مخيف

  ــــــــــــــــــــــــــــــــ

نبات وهـــــــــــــــــــــانصبح فى ايه

صحة مرض كـــــــــــــفن شايلنا فيه

اه لو المـــــــــــــــــــــــكتوب دا بتمن

كان كل سطر يساوى ميت الف جنيه