كل واحد منا ساعات بيحس ان الايام بتجرى منه وان احلامه بعيده عنه والدنيا معاندة فيه  ..... دا بالظبط احساسى لما كتبت القيصدة دى كتبتها يوم 25/3/2007 على قهوة فى وسط البلد بالقاهرة  اسمها - ليالينا- بحبها وبكون ملهم جدا فيها .... . ونشرت القصيدة دى فى جريدة المدار بتاريخ  30/4/2007 ..... اتمنى تعجبكم

تايه

اوقات سعات بحس انى انا

اشباه حطام نجوم فى السما

احلامى تايه فى وسط ركام

وعيونى شايفة اليوم فى سنا

_______________________

ايام وشايلة فيا وحطـــــــــــــــــة

تضحك تبرق سعات بطعم الشطة

ــــــبس الشطارة فى الصبر لازم

ومـــــــــــعاه كمان لترين اونطة

_________________________

دنيا وماشية عكس العكس

غاوية تـــــــعاند فينا وبس

هاغلب يا دنيا بالعند فيكى

وهكون امير بلاد اليأس