أرسل الإدراج التالي

اســمك		مطلوب
بريدك الإلكتروني		مطلوب
بريد صديقك الإلكتروني		مطلوب
الرسالة	يدعوك صديقك لقراءة هذا الإدراج في مدوّنة مكتوب، حريّة الفكر و الكتابة في الوطن العربي	300 حرف كحد أعلى

محتويات الإدراج الذي تريد إرساله: وحياة أبويا المجانين في نعيم فعلاً على صوت الست، الخافت نوعا ما لقيت نفسي انهمكت فى تفكير هادىء جدا ببص لكل حاجة حواليا بمنتهى التأمل! حقيقي ان صوتها بيهذب الاحساس لدرجة كبيرة جدا.. لكن الحقيقة ان كان فى حاجة تانية عملت مع صوتها دويتو غريب خلاني زي المخمور بينهم !! محتاج بجد لشوية هدوء من دول محتاج احس اني شوية مش اداة فى ايد الظروف بتحرك على حسبها!! مش عارف ايه اللي ممكن افكر فيه بالطريقة ده لكن بحب الموود ده وخلاص مش شرط اكون بعمل حاجة مفيدة .. لكن الاهم اني اطلع من الروتين الانفعالى او الروتين العاطفى اللى احنا فيه او انا تحديدا .. مع كل كلمة من صوتها كانت اعصابي بتهدا اكتر .. والتفكير بيزيد عمق اكتر اكتر هييييييييييه ... مين فى الايام ده مش عاوز يطلع من جو الكابوس الحقيقي اللى هو فيه ولوحتى لدقايق ؟؟ مااعتقدش ان اللى زيي فى درب الجنون ده كتير !! لكنهم اكيد موجودين .. وفى اغلب الاماكن هنلاقى منهم واحد او اتنين بين كل مجموعة اتحطوا فيها عشان يعانوامن اللي حواليهم !! من السطحية .. من الروتينية والتقليد الاعمى .. واحد صاحبي كان قاللي نكتة اثبت بيها احد المجانين امثالي .. ان الانسان فى مجتمعاتنا المتخلفة بارادتها، اصله قرد !! وقرد غبي جدا .. لكن فى سؤال مااعتقدش ان حد سأله قبل كدة ... هل الانسان هو اللي اصله قرد ؟؟ والا القرد هو اللي كان اصله انسان ولما زهق اتحول قرد من شدة رغبته فى التحول لاي حاجة غير كونه انسان على الورق وبس !! سؤال منطقي جدا مش كدة ؟؟ شيء غريب جدا لما تحس انك على حافة تفكير كل واحد تقابلة .. شيء غريب انك تحس اغلب الوقت انك عايش على هامش المنطق السائد .. ممكن تتواجد او لا ... ممكن تقع كمان فى اى وقت لو ماانتبهتش للى انت بتقوله او بتعمله طبعا .. طبعا لازم تخللي بالك جدا من كل اللى حواليك .. ولازم تؤمن ايمان قاطع بان كل حاجة فى مكانها الصحيح .. وأوعى .. اوعى تحاول ولو حتى فى عقلك .. اوبينك وبين نفسك ، انك تغير اى حاجة من التفاصيل الجميلة اللى فى الصورة ده .. خللي اللوحة كدة زي ماهيا واحمد ربنا انك لواحدك اللى شايفها على حقيقتها المنيلة بنيلة ده .. اه طبعا احمد ربنا بدل المرة ألف انك لوحدك المجنون لان لو الناس كلها شافت الصورة زيك يبقى كل سنة وانت طيب .. هتتحول الدنيا ده كلها لمستشفى مجانين مالهاش لا باب دخول ولاخروج !! مرة من المرات قعدت اتكلم مع احد زميلاتي الي بحترم تفكيرهم جدا لقيت ان عندها شيء غريب جدا فى تفكيرها خلاني احاول اقرب من دماغها بمنتهى الفضول عشان اعرف ايه اللي بيدور فيها بالظبط .. وفوجئب بانها عايشة على الهامش زي حالاتي بالظبط !!ولقيتها بتتعامل مع نفسها بنفس منطق الهروب اللى بتعامل بيه مع نفسي بل ومع كل حاجة حواليا ! حسيت فى كلامها نبرة واقعية حادة مفرغة من اى مشاعر فرضها بالفعل عدة تجارب اتحطت فيها وماعرفتش تلبس فيها القناع فى الوقت المناسب .. وبالرغم من انها بتعشق المسرح والفن الا انها مااكتشفتش غير فى وقت متأخر جدا اننا وسط مسرحية كبيرة جدا كل واحد فيها بيأدي دور هو نفسه مايعرفش عنه حاجة .. دور الله اعلم هينتهى امتى ؟ دور احيان كتير بيكون كوميدي مفتعل .. واحيان اكتر بيكون هروب من حاجة معينة الغريب اننا مش عارفين احنا بنهرب من ايه اصلا !! لكن بنهرب وخلاص .. بنهرب لاننا طلعنا واحنا مزروع فينا نوع غريب من التربية على الواقع المصفد والهروب من اى محاولة فيها ولو قدر ضئيل من التهديد بتغيير الواقع - ولو كان للافضل !! بدعوى ايه ؟؟ بدعوى الواقع اللي تعرفه احسن من الافضل اللي ماتعرفوش !! منتهى السخرية .. منتهى السخرية وابقوا قابلوني محمد ابوالعز 7 يونيه 2007

"لا يتحمّل مكتوب أيّة مسؤوليّة عن المواد الّتي يتم عرضها و/أو نشرها في مدوّنات مكتوب. ويتحمل المستخدمون بالتالي كامل
المسؤولية عن كتاباتهم وإدرجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر."