مايجوزش عليه إلا الرحمه

زمن اللحمه

فاكر أخر مره ذبحنا

كان لنا حته نتفه يوم

كان فيه لحمه كده بالكوم

في القلقاس مرميه صحيحه

و بتتعصج في المفروم

أما ان كان ع الفرن الحاميه

فيها مرحرح طاجن باميه

واخد م الموزه المعلوم

و ده ميت مره في قعده قابلتوا

عرق فليتو

ياما شبعته من التهبيش

شوف دلوأتي بعدي قصاده

يعمل نفسه ميعرفنيش

أه يا زمن كان وش الفخده

يشتاق من ايدي الطلطيش

بقي اولها زي اخرها

سايق راخر في التطنيش

ناقص إني أعض في ذيلها

ولا أبوس طراطيف حوافرها

ولا عشانها أجيب حصاله

و ارجع تاني للتحويش

لمن يريد المشاركه في الجروب

علي الفيس بوك

http://www.facebook.com/group.php?gid=9138129353