قصيده قصتي

كتبها محمد الناصري

يلقيها عليكم شهاب الدين الناصري

عبر الرابط التالي

http://www.2shared.com/file/2613207/d81b0a80/____.html

 قصتي

----------

قصتي يا ساده اني

غصب عني

كل ما اهدأ واقول كفايه

راسي ع اللعب بتاكلني

كل يوم بابا مخاصمني

و ماما تزعل حبه مني

و يقولو اني معرفش الا

في الاذيه

بس مش ديه القضيه

القضيه انهم ايام زمان

كان لعبهم يادوب بجري

أو مع اصحابهم ببلي

و يجرو جري علي البيات

عايزني ابقا زيهم

و انا اللي بتكلم لغات

منا اصلي طالب اولى كيجي

بغني عربي علي انجليزي

كل يوم ارجع بكومه واجبات

استيكتي زهقت برايتي طهقت

قلمي مات نده و قال

يا شهاب يا صاحبي

لو تسيبني ارتاحلي حبه

قلتله روح استخبا

و انا رحت اعمل شقلبات

شافتني ماما قوام جابتني

و قعدتني و هددتني

ان ما عملت ده و ده

مفيش لا من ده و لا ده

و قلت انا يحصلي ده

عشان ما قلبي رق له

و عنها رحت مكسره