!!اتعلموا يا ولاد آدم *

 ******

*  

*كان ياما كان فيه فرس نهر زهقان.. 

قال أطلع أدور على صديق أتكلم معاه..أى ان كان!!

*وبعد ما لف ودار..

مالقاش غير زحلفة

 قال و ماله أهى برضه خلقت ربنا

 مشى وراها  و نادى عليها

يا ست زحلفة..!

 الزحلفة رفعت راسها

و قالت مين ؟

*قلها أنا هنا وراك ياجميل ..

زهقان و بدور على صديق ..

ينفع نبقى اصحاب؟

قالت له و ماله ما انت

 برضه خلقت ربنا

راح الفرس موطى على راسها و بايسها و هو بيشكرها

*ضحكت الزحلفة و قالت له

مستغرب ليه؟ هو انت فاكر انى بنى آدم ما بحسش؟

 أقعد أقعد يا راجل ندردش و نتسلى..ايه بقى آخر الاخبار؟

*رد الفرس فى غم ..اهم ولاد آدم خاربينها..

بيقتلو فى بعض ليه مش فاهم ؟

صرخت الزحلفة و الدموع فى عينيها و قالت له

 ..لو ح تجيب سيرة المخلوقات المتوحشة دى

 مش عاوزة صداقتك..  فرس النهر باس راسها تانى وقال

 عندك حق انا آسف..

وآدي راسك أبوسها

*ضحكت الزحلفة و اتعدلت

وهى بتقول

..مادام غاوى بوس يا حبيبي

يبقى تبوس عدل مش تشتم في ولاد آدم..و تفضل برضه

حيوان...!!!

وتوته توته فرغت الحدوته!!

*******

                  منى الصاوي