محتويات الإدراج الذي تريد إرساله:
افتكاسة الاسدال 2 (بداية مرحله جديده مع الشيعه )
من غير ولا هاي ولا اذيكم حخش في الموضوع على طول ................
اصلي مستعجل فحت النهارده .
في الاول تسمع عن الغزو الثقافي والاحتلال الفكري ؟! ايوة اللي قرفنا بيه التلفزيون عمال على بطال ده ........
ومعلش استحملني اصلي ناوي اتكلم فيه حبه كده في الاول .
طيب سمعت عن الغزو العسكري ؟ سؤال غبي صح بس كان لازم اسأله (غلاسه) اهو الاحتلال العسكري والحرب والمرمطه اللي فيها اروش 100مره من الاحتلال المخي اصدي العقلي يووه اصدي الفكري لان الاستعمار مسيره حيمشي ويخلع في يوم ذي الانجليز في مصر و فرنسا في الجزائر حتى امريكا في العراق مسيرها حتمشي في يوم وهما عارفين كده وذي ما قال لويس التاسع ملك فرنسا لما الايوبين اسروه و سجنوه في سجن المنصورة (انه لا سبيل الى السيطرة على المسلمين عن طريق الحرب و القوة و ذلك بسبب عامل الجهاد في سبيل الله و أن المعركة مع المسلمين يجب أن تبدأ أولا من تزييف عقيدتهم الراسخة التي تحمل طابع الجهاد و المقاومة ) الله عليك ياعم لويس صايع قديم .
بس للاسف في بشريه كتير بعده اتنبهوا للموضوع ده ( اللعب في الدماغ ) وبيتكتكوا من تحت لتحت علشان يغيرولنا السوفت وير وسيستم حياتنا كله من اول ما نقوم من النوم لحد ما نرجع ننام تاني وهو ده المقصود من الغزو الثقافي انهم يغيرو فكرنا و يضيعوا شخصيتنا يخلونا ذي البنت الصغننه اللي بتقلد اختها الكبيره في كل حاجه
طب وايه علاقة الموضوع ده بالاسدال ولا ايه دخل لويس وفرنسا بينا
الوضوع اخف من كده بكتير .. ديه كام بنت طاقه شافت طقم عجبها واامت لابساه .. لو كنت بتفكر كده متقلقش فده كان رايي في الاول ابل ما عرف اصل وفصل الاسدال ....... ولما عرفت اتغيرت كتير
تراست مي الوضوع اكبر من موضه وتقليعه الوضوع ان في فكر بينتشر وناس بتلعب في عقولنا.
عايز تعرف ليه
خد عندك يا معلم الاسدال ده ايراني والايرانيات بتلبسه من ابل ما انا او انت نتولد مش بس كده ديه ايران بتصرف كتير فحت علشان تنشره
وطبعا ده مش علشان تستر عورات بناتنا ولكن علشان تنشر المذهب الشيعي يعني من الاخر بيعملوا كوبي ليهم عندنا . و(أ -ب) النسخه ديه هي الشكل انهم يخلونا ذيهم في اللبس في اسلوب الحياه حتى في الاكل والشرب لحد ما نوصل اننا نفكر بنفس طرقيتهم
وعلى الفكرة الحكايه ديه مش اختراعي او انا مألفها علشان اشوه صورة الاسدال والسلام .ولو عايز تتاكد من كلامي خش على جوجل ودور حتلاقي في كتير متكلمين على الموضوع ده .
وربنا يرحمه ابن خلدون ويفشفش الطوبه اللي تحت راسه لما اال (إنما تبدأ الأمم بالهزيمة من داخلها عندما تشرع في تقليد عدوها ) وده اللي احنا ابتدنا نوصله دلوقتي في المرحله الجديده من الغزو الشيعي لبلادنا وربنا يستر علينا
وياريت اعرف رايكم في :
اذا كنتم شايفين ان الاسدال فعلا مظهر غزو ثقافي
ولا الموضوع اخف من كده
وباي .......................... مستني ردودكم ...............
|
