عشان خاطرك

عشان خاطرك هافوت حقي

وأعيش راضي كما العادة

ومش هافتح كمان بُقي

وهاشرب دنيتي سادة

ولو أحلامي نيسوني

ولو أيامي داسوني

بحبك إنتي يا عيوني 

وصلني حقي وزيادة

عشان خاطرك

عشان خاطرك

عشقت حاجات ماتتحبش ولا المجانين

وعمت في بحر متكلبش سنين وسنين

وأطبش قد ما أطبش وهاوصل فيـن ؟

وبمشي السكة متلبش وبتلفت شمال ويمين

 ولسة القلب بيغني ولسة الكف متحني

وأعيش العمر متمني بنظرة شوق تراضيني

وبعد العمر ما يعدي فوسط الزحمة تنسيني

وألاقيني معديني معاد قطرك

محرّمشي ومندمشي ويكفيني

فنيت العمر وسنيني عشان خاطرك