أرسل الإدراج التالي

اســمك		مطلوب
بريدك الإلكتروني		مطلوب
بريد صديقك الإلكتروني		مطلوب
الرسالة	يدعوك صديقك لقراءة هذا الإدراج في مدوّنة مكتوب، حريّة الفكر و الكتابة في الوطن العربي	300 حرف كحد أعلى

محتويات الإدراج الذي تريد إرساله: مظاهرة مظاهـــــــــــــــرة مخبيش عليكم انا خايفة ومرعوبة قد ايه لانى اول مرة اعمل كدة فى حياتى ومش عارفة اللى عملته دة صح ولا غلط مع انى سعيدة ومبسوطة جدا انى عملت كدة مش عايزة فكركم يروح لبعيد انا معملتش حاجة عيب كل الحكاية انى كنت فى مظاهرة انا وناس غيرى كتير زى ما بيقولوا بتوع الجرايد جموع غفيرة من الشباب المتظاهر المظاهرة كانت ضد الحكومة على اسم الفيلم العربى للراحل احمد ذكى هتفنا ضد الغلا والبطالة وامورنا اللى مش عايزة تتحسن وكل يوم والتانى فى النازل على فكرة يا جماعة متفكروش انى اخت فى الجماعة ولازعيمة لحركة كفاية ولا بنت من بنات الفيس بوك انا مواطنة مصرية بتحلم ببكرة يبقى احلى من النهاردة المهم المظاهرة كانت كبيرة والشباب ماسك فى ايده مشاعل نار زى فيلم شىء من الخوف وكنا بنقول جواز عتريس من فؤادة باطل باااااطل اسفة معلش سرحت منكم شوية كنا بنقول جواز السلطة من المال باطل باااااطل مش عارفة ازاى وانا المواطنة الضعيفة اللى بتخاف من عسكرى المرور مع ان عمرى فى يوم مكان عندى عربية كنت بهتف بضمير ووخدانى الحماسة اوى بعدها طلبت من الشباب يهدوا اللعب شوية عشان منغلطش فى الروس الكبيرة وحد يمسك علينا واحدة العجيب والغريب والمريب ان محدش جة جنبنا من الامن بصراحة والصراحة راحة مشفتش ظابط ولا عسكرى امن مركزى ولا بتوع مكافحة الشعب اقصد مكافحة الشغب فى المظاهرة تقول ماشين فى صحرا المهم انى كنت مبسوطة وفرحانة وحسيت انى لاول مرة مواطنة ايجابية واحلامى مكنتش هامشية بعدها لقيت ماما بتصحينى من النوم وبتقولى الساعة بقت 8 هتتأخرى على الشغل بس والله كان حلم جميل تيجوا تحلموا معايا

"لا يتحمّل مكتوب أيّة مسؤوليّة عن المواد الّتي يتم عرضها و/أو نشرها في مدوّنات مكتوب. ويتحمل المستخدمون بالتالي كامل
المسؤولية عن كتاباتهم وإدرجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر."