لبست كتير جزم

وقطعت كتير شرابات

وعجبنى منها حزم

ومليت بيها خرابات

وعينى جريت مره

على جزمه مفتوحه

فى رجل صبيه ماشيه

والجيبه مفضوحه

وعجبتنى مره جزمه

معروضه فى الفتارين

كان نفسى اشتريها

لكن اجيب منين

العين بصيره يا صاحبى

والإيدين مقصرين

حبيت جزم كتير

افتكرهم جزمه جزمه

اللى بيضه ...واللى سوده

واللى بنى ...واللى ملهاش اى لازمه

لكن شفت جزمه

ملهاش شكل تانى

طلعت صاروخ مفخخ

 على الوش الأمريكانى

جه يوطى عنها

هز الفرح كيانى

ماهى شالت معاه يا قلبى

 العلم المعدوانى

جزمه عربيه ...

على وشك يا  عم بوش

تستاهلها وحياة ابويا

وحرق الرموش

ياريتها قديمه

تلطخ معالمك

وتكسر سنانك

وتخليك تبوش

وتطلع لسانك

وتزلزل كيانك

ومفيش حد يحوش

يا قاتل يا خاين

يا احقر جبان

فى سرب الوحوش

كلامى هديه

واحلى عيديه

اهداها لينا زيدى

خلانى بشوش

ودع حياتك

بجزمه أبيه

هزت كيانك

وصبح فجأه عرشك

أوهن العروش

يا منتظر يا صافى 

 سؤالى مش  سر خافى

نشنت ازاى يا ناصح

يا  ابو الجواب شافى

يا ريتنى كنت عارف

كنت أديتك هديه

ولو مشيت العمر حافى