يااااااااااااه

كلها كام يوم وأتخرج .. مش عارفة ليه مش حسيت إنى مبسوطة

حسيت إنى هآخد شهادة البطالة الرسمية

يعنى أيام الدراسة اهو الواحد اتنطط فى كام جرنال ..

وطبعا مش مهم العائد .. أساسا مش كان فى عائد

وطبعا اللى بيتكلم نقول تدرييييييييب وبنتعلم

ها .. دلوقتى خلصنا وإتعلمنا ...إزى الحال بقى

وبعدين أنا هاخلص وآخد مصروف برضو .. شكلها وحش حتى

وطبعا على حظى ال .... الازمة العالمية شرفت

والجرايد بتمشى الناس اللى فيها أساسا ... حتى الجرايد الدولية بتخفض عمالتها

يعنى مش باين لها سكة السنة ده

وبعدين بقى أنا لو مش إشتغلت وقعدت فى البيت كدة مش باعمل حاجة

أكيد أكيد هاكتئب واتجنن واحتمال اموت حد ... هو اللى فى بال سيادتك ده

المفروض أبقى مبسوطة .. بس أنا مش مبسوطة

بشهادة البطالة ده

ياااااااااااه هو الدنيا صعبة كدة .. حتى الحاجة الحلوة خايفين منها .. منك لله يا اللى فى بالى .. هوة برضو