أرسل الإدراج التالي

اســمك		مطلوب
بريدك الإلكتروني		مطلوب
بريد صديقك الإلكتروني		مطلوب
الرسالة	يدعوك صديقك لقراءة هذا الإدراج في مدوّنة مكتوب، حريّة الفكر و الكتابة في الوطن العربي	300 حرف كحد أعلى

محتويات الإدراج الذي تريد إرساله: بيان هام من صحة قرفستان أخي مواطن .. نيام نيام إليك هذا البيان الهام من صحة قرفستان.. أول هام .. سيبك من الديك سيبك أوعى تفكر يبقى حبيبك .. ده أمريكاني وعقله خفيف.. وحالف إللى يصيبة يصيبك.. والفرخة دي مرات الديك.. حتجيبك ورا وتوديك.. وتخلي اللي فيها فيك .. والفرخة عايزة قمحة والقمحة عند الليبرالي.. والليبرالي عاوز فلوس والفلوس خدها الفايظ.. والفايظ قمحه بايظ فيه السم وفيه السوس .. حدفه علينا تاجر مدسوس بلا فرخة .. بلا قمحة.. بلا ديك الفول وحده يكفيك.. خليك للبيئة صديق.. وان كان عندك خنزير أرميه في حفرة والا في بير واردم فوقه بشوال جير لا فيها كنا ولا فيها كان ولا فيها رفق بالحيوان ولا نٍنٍّا يا حبيبي نٍنٍّا نام وادبح لك جوزين حمام ده انت غالي علينا وصحتك في عنينا.. فداك متين خنزير وألف وزة و لا تعيا وتجيلك أنفلونزة تاني هام هي بس شوية تعليمات إياك ثم إياك م التجمعات يعني لا قهوة ولا مول ولا مظاهرات وان شفت صاحبك دور وشك أوعي تخلي الضحكة تغشك واغسل أيدك وقص ضوافرك ومتنساش تدعك بين صوابعك واوعى تبوس يا ابو بوز منحوس دي حمى وتهد جبال والأحسن ما تجيبش عيال .. حُط عقلك في راسك.. لاجل ما تعرف خلاصك. وان بعدها قلت إٍتشوه أو كاك.. حتلاقي وشك راح في قفـاك.. بس لا تزعل ولا تهتم ولا تشيل للدنيا هم شد الهامة والبس كمامة وأدعي كتير لربنا يمكن يصفح عننا.. والحج إلغيه .. أو خليه يستنى.. وابقى قابلني.. لو شفت الجنة.. وأخيرا لك مني سلام واطّمن دي بلدنا آمان.. الحال عال.. وكله تمام.. وإلى الأمام يا أمة نيام نيام..

"لا يتحمّل مكتوب أيّة مسؤوليّة عن المواد الّتي يتم عرضها و/أو نشرها في مدوّنات مكتوب. ويتحمل المستخدمون بالتالي كامل
المسؤولية عن كتاباتهم وإدرجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر."