ما تستاهليش

بعد حب كبير باقولكِ
بعد شوق قلبي لقلبكِ
انتي ماتستاهليش احبكِ
ولا يكون قلبي دا ملككِ
بعد نور نوّر طريقكِ
بعتي قلب كان صديقكِ
بعد إحساسي بحبكِ
انتي خنتي قلب حبكِ
انتي دوستي قلب كان
نفسه يديكي الحنان
بعتي كنز كان زمان
بين اديكي وملك امركِ
كنز مفتاحه رضاكِ
كلمه السر هواكِ
لكن انتِ رميتي كنزكِ
وانتِ مش دريانه انكِ
بعده مش حاتلاقي نفسكِ
وفي عنيكي دول باعيدلكِ
انتِ ما تستاهليش احبكِ
حبي حب كبير عليكي
قلبي مش طايلاه اديكي
روحي سحبت روحها منكِ
بس قلبي بعد حبكِ
غنى لحن حزين في بعدكِ
لحن نغماته هوايا
لحن كلماته دوايا
لحن عبراته شفايا
من هواكِ دا وحبكِ
لو سمعتي في يوم ندايا
او قابلتي في مره صدفه
نغمه شارده من هوايا
إوعي إحساسكِ يقولكِ
إن انا لسه باحبكِ
ايوا انا قلبي بيبكي
وهويا كمان بيشكي
بس ما تظنيش في مرّه
إن انا بابكي عليكي
او في يوم تفتكري اني
اتمنيت ترجع عنيكي
لاء باقولك وإسمعيني
يالي حبكِ كان يقيني
انتِ دلوقتي في عنيا
صوره تانيه اليمه ليا
صوره مش ممكن تعودلي
او اقرنها تاني بيا
حتى لو قلبكِ رجعلي
بين إديا وتحت امري
قلبي مش ممكن حاينسى
طعن قلبكِ ليه في حبي
وإوعي تفتكري بكايا
دا عليكي مش عليا
دا انا قلبي بيبكي
كل شعر اتقال عليكي
وهوايا كمان بينعي
كل دقه قلب ليكي
انتِ ما تستاهليش كلامي
او بكايا او سلامي
يالي حبكِ كان امامي
نور وبيزغلل عنيا
انتِ دلوقتي في خيالي
ذكرى مره اليمه ليا
وانت يا قلبي باقولك
اوعى تدي في يوم حنيني
إلا للقلب الي يقدر
يرعى حبي ويراعيني
ولا تدي حبي ابداً
إلا للقلب الي يملك
قوه الحب الحقيقي