صلاح الدين

هو صلاح الدين كان قائد
ولا إيمان في القلب كبير
يلا انا وانت نصلّح ديننا
قوم حاتحس اوي بغيير
يلا يا مسلم يلا يا مؤمن
مدوا اديكوا لبعض دا خير
إن القلب يحس بإنه
معدش في ضلمه سجنه اسير
سيب إسلامك يخنق خوفك
خلي إيمانك يبقى دليل
إن صلاح الدين مش واحد
لاء دا إيمان في القلب كبير
قوم يا صلاح الدين من نومك
خطي طريق القدس وسير
يلا ولادك مسكوا في إيدك
دا انتَ دليل في الضلمه منير
يلا انا وانت بصوتنا نجلجل
يلا نصحي كل ضمير
ايوا ادان الفجر اهو قرّب
ايوا ما عادش باقيلو كتير
اصل صلاح الدين مش واحد
لاء دا إيمان في القلب كبير
يملا بنور الحق حياتنا
اصل عدو الحق حقير
عمر اهو جاي بسيفه معانا
يالي مشيت في طريقه بخير
يخطب فينا بقوه ويصرخ
امّه عظيمه ورب قدير
يصرخ يطلب منا نجاهد
يلا انا شايف بينكوا امير
يقدر يمسك سيفي بإيده
يشق طريق للنور والخير
يحيي صلاح الدين في قلوبكوا
ايوا حايحيي كل ضمير
يلغي بسيفه هزيمة عصر
طعمو في حلقو وحلقي مرير
اصل صلاح الدين مش واحد
لاء دا إيمان في القلب كبير

تامر ابوعميرة