أكيد أتأخرت في تضامني مع عبدالمنعم كتير .....

لكن ده ميمنعش أني كنت في حالة سعادة غامرة وأنا بشوف أزاي أن فيه جيل جديد من الناشطين السياسين والحقوقين ... جيل جديد معندوش عقد الأجيال الأكبر اللي عاشت عمرها كله وهي شيله ميراث الكراهية والتناقضات الأيديولوجية... جيل جديد خد لقب مدونين وشباب من أجل التغيير ... وحول الأنترنت لمكان يوحي بالثقة .. مكان لمقاومة الفشل والتراخي واليأس وحسني مبارك...

جيل جديد يقدر يدافع عن نفسه بكل السبل ... من غير خوف ... والأهم أنه ورغم دوبانه في بعضه وأحترامه لقيمة الحرية قادر كل واحد فيه أنه يحافظ على هويته...

أما عبد المنعم فهو أقوي من اللي سجنوه وده شئ أكيد .. وألا مكنوش سجنوه .. هو أقوي وأشجع ... 

وعشان كده أعتقد أن عبد المنعم مش محتاج ناس تتضامن معاه وبس... عبد المنعم وكل الشجعان في بلدنا محتاجين أن الكل يأمن زيهم  بأن خلف السواد والظلم والفساد فيه نور ... فيه أمل في بكره ...  

الحرية ... لعبد المنعم ولكل اللي زيه 

الحرية...لمصر