لو تغيب الشوق ياخذني وراك
وين ما وجهت تلقاني غصيبه

انت تدري بخافقي لامن غلاك
ما يطيق الهجر او طاري يجيبه

شوقك بصدري يخليني معاك
وابتدي اذكرك باحوالي العصيبه

خلك بروحي وانا كلي فداك
وبوصالك عالج جروحي العطيبه

لا تخليني وانا مابي سواك
ضايع وحظي توطاني نصيبه

ايه احبك لو تحداني قساك
ما يموت الحب وسهومه صويبه

آسف وبالحيل ضايقني جفاك
سامح طبوعي تعرف انها عجيبه

يكفي انك في نظر عيني ملاك
حسنك الفتان خلاني نهيبه

كل شي فيني ترك ثوبي وجاك
ما بقالي وزن من بعدك وهيبه

آخر حروفي توهقت بهواك
واللي مثلي لاتوهق بك مصيبه!!


6 / 8 / 2007