محتويات الإدراج الذي تريد إرساله:
اعاقات عقلية...
اعتذار .. لكم جميعا على تأخيري وغيابي .. أشتقت لكم بصدق .. 
قد يكون هذا الموضوع آخر موضوعاتي في هذه المدونة .. لأنني أفكر جديا في الأنتقال الى مدونة أخرى .. وبيت جديد 
في مجالس البنات .. دائما مايأخذ موضوع الزواج حيزا كبيرا .. لكن .. هل دائما ماتكون الأراء صائبة ؟؟ .. أم أننا مازلنا نعايش (اعاقات عقلية) ؟؟..
(1)
- تعرفي .. أنا اتقدملي واحد قريب بس ماوافقت ..
- ليش يافلانة
- امممم والله ماعجبني .. كدا ماارتحتلوا
- طيب سألتوا عنوا وشفتوه ؟
- ايوة بابا سأل عنه .. بس أنا قلتلهم ماابغاه
- اها يعني فيه صفات شفتيها فيه ماعجبتك وماتناسبك
- والله انا مافكرت في الصفات ..
- ها اجل في ايش فكرتي
- بصراحة .. أمه لما جات جابت صورته معاها .. وانا من يوم ماشفته ماعجبني .. مو المستوى اللي ابغاه
- يعني شكله ؟؟
- ايوة اش اقول من اول .. مو حلو .. خشمه طوييل .. وانا مااحب الأخشام الطويلة
- يعني افهم انو سبب ردك له أنو خشمو طويل
- اممم .. ايوة ها اجل اتزوج أي واحد .. بعدين انا لسه صغيرة وقدامي الدنيا .. ليش أدفن نفسي مع واحد مو عاجبني شكله
- ؟؟؟؟؟؟؟!!!!!!
(2)
- يابناااات مادريتوا
- اييييش ؟؟؟
- هديك (....) اتخطبت
- ماااشاء الله .. ديك السمرا
- ايييوة ملكتها كانت الخميس اللي فات
- اهوووو شوفوها جات .. عمرها طويل البعيدة
- مبرووووووووووووووك لولوووووولي
- الله يبارك فيكم
- مين تعيس الحظ
- (.....) كان يعرف بابا .. ودايما يشوفه في المسجد .. عرف انه عنده بنت وخطبني
- ايييه يعني الأخ مطوووع
- ايوة مطوع .. بس ماشاء الله منفتح وفاهم الألتزام كويس
- هههههههههههههههههه.. والله انك تحفه .. اشلك واشل المطوعين يابنتي
- ليش اشبهم المطوعين .. قلتلك مهو من النوع اللي متشدد ومتزمت .. بعدين حتى دول بيمثلوا صورة سيئة عن الدين .. الدين طول عمره توسط وتسامح وانفتاح .. بس للاسف اخدين فكرة سيئة عنه
- والاخ عنده لحية
- ايوة عنده لحية خفيفة ومرتبة
- هههههههههههههههههه .. الله يوفقك يابنتي .. بس بيني وبينك شكلك خفتي يروح ولا عد يرجع غيره لانك سمرا !!!
- ؟؟؟؟؟؟؟؟!!!!!!
(3)
: البنت تدق اللي جنبها ..
- شوفي شوفي
- ايييش
- هديك البنت
- اشبها
- جاها واحد يابنت مرررررة خطير .. مرة حلو ووسيم ومافي زيه .. ياخد العقل
- طييب وبعدين
- الهبلة رفضتوا
- ليش رفضتوا
- تقول اخلاقه مو مرة ويدخن .. غبية
- ليش غبية .. عادي هيا شافت اخلاقه ماهي كويسة وماتبغى واحد مدخن
- يالله .. ايش اللي ماتبغى مدخن .. اشبوا الدخان عادي كل الأولاد يشربوا .. على الاقل واحد حلو ولا وحش
- يعني دحين لأنو الولد حلو معليش تتنازل عن معتقداتها
- اييوة معليش تتزوجوا بعدين تصلحوا ..
- لالا مررة غلط اللي يفكر كدا .. في اشياء من البداية يتفقوا عليها الأثنين .. وهيا شافت انو مايتفق معاها فبطلت من الموضوع نهائيا ..
- بصراحة .. كلامك مو مقنع .. احد يترك دا الوسيم ؟؟؟؟
- ؟؟؟؟؟؟!!!!!
(4)
- يالطييف ياربي .. حوالينا ولا علينا
- اش في خير ان شاء الله ؟؟
- صحبتنا ديك .. اللي كانت معانا في كلاس العربي
- اشبها خييير ؟؟
- زوجها سارلوا حادث سيارة .. واتكسر واتعدم .. واتشل شلل نصفي
- يالله لاحول ولاقوة الا بالله .. متى دا الكلام
- قبل اسبوعين .. دريت من فلانة
- ولا تقولوا .. طيب نرحلها نصبرها .. يالله اتفقوا على موعد خلونا نروحلها
- نرحلها مييين .. خلاص البنت مالها شغل
- ايش مالها شغل
- خلاص طلبت الطلاق وطلقها
- ايش؟؟ .. ليش طلبت الطلاق
- اقلك الراجل اتشششل .. تعرفي ايش يعني اتشل .. بعدين أحسن تتطلق اشلها واشل وجع القلب .. تفتك منه لساعها في اول عمرها
- بس دا زوجها .. وهما اصلا متزوجين عن حب مو صح
- اييوة بس هيا اصلا حبته عشان شكله .. هههه دحين راح الشكل اش تبغابه .. وهيا لساعها حلوة تشوف غيييره احسن
- ؟؟؟؟؟!!!!!
اخيرا ... ليست هذه هي الصورة الكاملة للفتيات .. بل هي الصورة السيئة ( كما اراها ) ولن أعمم
يسعدني تواصلكم .....!
|
