احد أهم  اسباب هزيمة اسرائيل هو الغفلة.........صحيح ان اسرائيل هى التى بادرت بشن الحرب وحزب الله لم يكن يريد سوى تبادل الاسرى ولكن غفلة اسرائيل عن حزب الله ومدى قوتة كان عامل هام

فهل نحن فى غفلة ؟هل جيشنا المصون الذى برع فى صناعة  الغسالات والثلاجات ممكن يخرج مالمطبخ ويدافع بالدبابات والطيارات

كل ما ييجى الليل يتملكنى الخوف

يرتجف قلبى وتضيع الحروف 

يا هل ترى جيشنا اللى ارنب جنب خروف

 ! يقدر يحمى نفسة وريسة حلوف

وطبعا قصة الجيش دى قديمة من بعد مالسادات وقع اتفاقية السلام  .........سلام الاستسلام والعجيبة ان كتير مالمصريين لسة فاكرينة حكيم زى واحد صاحبنا وهو خائن حتى لاقرب  حلفاؤة"سوريا"ومن قبلها خان الثورة ........ما علينا راحت ايامة وطبعا مقدرش انسى صاحب الضربة الجوية الاولى زى مالناس بتقول والضربة الاقتصادية والصحية والتعليمية  الحقيقة هو هرانا  ضرب شغال منجد عربى

 اة يا وطن

عينى عليك يا وطن

احوالك متشألبة

دقت فوق راسك مطارق

ومشاكل متكركبة

قبطانا خايب .......وبحارة فاشلة

والشعب فالمركبة

ان غرقت هتغرق بينا

مهى عيشة متهببة

وان رست لبر الامان

من ربك مترتبة

حاكم داخل المحاكم

وقاضى بيحاكموة

وصحفى اتظاهر عشانة

فالسجن سكنتوة

وعبارة غرقت بالف

 وصاحبها هربتوة

سرقتو شركة ومصنع

واتباعو فالخصخصة

مصايبكو زادت وغطت

معدودة ومترصصة

وزير شارك مدير

والحسنة متنصصة

حمام السلام اتقتل

مافضلش غير الصقور

ووللاءنا فينا اندفن

وقتلو معاة الشعور

عزام أخد البراءة

وحبسو أيمن نور

يطلع قانون الطوارئ

حتفصلو الدستور

الاكل بنستوردة

ومعاة مرض الطيور

يابن مصر يا حى

امتى باة هتثور

ضاغطين على صدرك

بركان وبكرة يفور

رئيس مفروض علينا

يااااااااارب بكرة يغور

الليل طول علينا

 مستنى اشوف النور