بسم الله الرحمن الرحيم

اسمحوا لى اعود اليكم بعد غيبة ...احسبنى غريبة فى عالم المدونات فلم اجد كامل النصيرات فى المقدمة كما تعودت مثلا ...ما علينا ..

 احب اعلق على موضوع صدام...فانة زى ما تقول كدة واحد صاحب محل خضار عبيط شوية عندة طماطم "مفعصة " فسدانة يعنى ...اختار واحدة فاسدة ورماها ..والناس بتسال المفروض يرمى كل الفاسد لية ينقى اقولك انا ايةةةةةةةةة؟ طمع وجشع 

انقل بأة على موضوع تانى "التعليم فمصر باة " خل  "خالص.نظرا لان العلم لا يكيل بالبدنجان ....واصبح يكيل بالبصل ...فسعرة علا  وقيمتة الغذائية قلت ....هو الجيل الصاعد جالة حالة البلم اللى هو فيها من شوية

احب اعبر لكو شوية عن اعجابى بالاسترتيجية الامريكية الجديدة ..فالتعليم طبعا ...انا مش بتكلم فالسياسة لا سمح الله .....نص الدرجة بياخدها الطالب فامتحان الترم ...صحيح الامتحان مبقاش اسمة امتحان ...دة كان زمااااااان دلوقتى اسمة "مهمة" يعنى انا باعمل للطلبة 3 مهمات فالشهر لية محدش عارف ....ولما تتجلى العدالة المصرية الطالب اللى يجيب  10 من 10 ياخد ممتاز .....اةةةةةة نسيت اقولكو مفيش درجة ..دة كان زمااااان  ....واللى يجيب 9ونص من عشرة واخدين بالكو 9ونص ياخد اية متوسط زى اللى جاب 9 و8 و7 و6و كلهم زى بعض متوسط واللى يجيب 4 او 3 او 2 او 1 او 0 بردة زى بعض" دون المستوى"....لا واية المهمة الهباب دى ليها شروط قال اية لازم اجابة كل طالب تكون مختلفة عن الطالب الاخر....عشان الطلبة تعبر عن رأيها ... زى الطالبة الاء مثلا معبرت واعتبرت وكمان كانت عبرة لغيرها .. ...قال اية اسالة مفتوحة ....طب مدرس العربى يقول ما رأيك ...لكن مدرس الرياضة يقول اية...حسبى الله ونعم الوكيل .........