محتويات الإدراج الذي تريد إرساله:
الحقوناااااااااااااااااااااااا
ارتاعت مصر كلها بعد صدور الحكم ببراءة السيد الاستاذ المحترم القاتل ممدوح إسماعيل ونجله الفاضل، وأيضا جميع المتهمين في قضية عبارة الموت السلام98 التي راح ضحيتها أكثر من 1000 مواطن.
ولكن ماذا بعد هذا الارتياع والصدمة والمفاجأة والصدمة وكل ذلك من الكلمات والمعاني؟!
أهالي ضحايا العبارة يحتجون على قرار المحكمة
أقولكم أنا بقا اية اللي حيحصل، ولا حيحصل أي حاجة، ما قبل كدا حصل نفس ردود الأفعال في قضية تلوث أكياس الدم الشهيرة بأسم هايدلينا، ما بردوا السيد النائب المحترم المبجل هاني سرور أخد حكم البراءة هو ومن معه، وطةل عمرنا بنرتاع وبنصدم ولا بيحصل حاجة.
المفروض بقى أهل الضحايا والغرقى يحمدوا ربنا أن الراجل طلع عنده ضمير وابن حلال ومرفعش قضية عليهم وعلى الضحايا نفسهم، لأنهم هما السبب في غرق العبارة اللي هي كل مورد رزقه واللي بيجري بيها على عياله.
رجل كبير في السن يبكي وهو ينتظر أنباء عن أحد أبنائه
كمان ما أهالي الضحايا استمتعوا بالبحر الأحمر والشعب المرجانية وكل الجمال والأشياء المشهور بيها البحر الأحمر، مش قعدوا هناك أيام وأيام مستنين الجثث ومفيش حاجة ظهرت، المفروض بقا يتحاسبوا على الأيام دي وعلى استمتاعهم بالبحر الأحمر وجماله.
اعزائي
الوطن قد يكون مغلقا أو خارج نطاق التغطية
يبقى أنت أكيد أكيد في مصر
الحقونااااااااااااااااااااااااااااااااااااااا
|
