مين يصدق يا عالم ... شعب بيموت من الجوع والحصار والرئيس المؤمن !!! يلبس حذاء " أجلكم الله" بعشرين الف دينااااااااااااار... دينار ينطح دينار دينار...

بتقول الأخبار ان الرئيس الفلسطيني محمود عباس دفع عشرين الف دينار ثمن زوج من الأحذية حسب ما قالت صحيفة الميساجيرو الايطالية الصادرة بروما ... نحنا مو ضد انه عباس يلبس حذاء او ما يلبس.. ولا حاسدينه على هالنعمة اللي راح يسأله عنها رب العالمين يوم القيامة... ولا بدنا اياه يمشي حافي ( بيكفي الشعب حافي وماكل هواء ) نحنا بنسأل هالعشرين الف دينار من وين؟ يالله يمكن عباس موفّرله مبلغ وقدره !!!! في حدا هالبنوك اللي برا هيه قلة بنوك... بس والله لو هالعشرين الف تحولت للشعب بغزة ثمن أكم رغيف خبز وأكم علبة دواء وحليب للأطفال...( ما تقولوا خايفين تروح لحدا برّاني!!!) صحيح ما بتكفّي بس راح نقول والله الرئيس شهم ويخزي العين عنه ما قصر هالزلمة ودفع من جيبته الله يخلف عليه... لو نضحك على حالنا ونكتب بالصحف الرئيس تبرع بثمن زوج حذائه وفضّل يلبس الحذاء القديم " الله اعلم كم ثمنه بعد " خلينا نحكي ارخص شوي...

بس والله يا عالم حرام هيك ... ما بيكفي الصواريخ الاسرائيلية .. ما بيكفي عشرات الشهداء كل يوم ... ما بيكفي الدمار ...كمان جوع ... الله بعالي سماه ما بيرضى هيك... فكيف ترضاها يا عباس ... وتلبس حذاء عالمقاس...بعشرين الف دينار ...يا حسرتي ...والله انا ما بستكثرهم عليك ولا بحسدك عليهم رغم اني لو بضل مئة سنة بحوّش فيهم ما بوصل لأول الف فيهم... ايه ياعمي رئيس وبدك تشخّص ولازم تلبس قدام العالم... قدام اولمرت والحلوة رايس... بس والله حراااااااام الشعب يموت من الجوع يا عباس.

www.ammonnews.net