قلم فشي شكل

Sun, 9 Sep 2007 10:40 GMT

اليوم ماطيبناش، أنا مامقتانعاش بالكوزينة كيف قال لي اسي عبد الله المغربي، وصاحبي مامسوقش، داكشي علاش قلينا شوية دلبيض بزربة ، باش ما نتعطلوش على المدون اللي غانزلوا عندوا اليوم، المشكل تلفات لينا لاكارط فيزيت ديالوا، وهو باش تزوروا ضروري لاكارط فيزيت ، حيت ماشي بحال خوتنا المدونين المزاليط، هو مدون صحيح، كاتب فلاكارط فيزيت ديالوا مصطفى إسعد مدون وكاتب ومحلل صحفي، راه ديما كاتغوت عليه الجزيرة ايدير ليها شي تحليلات صحافية ، وشي مرات أخاي رويتر كاتقلب عليه بالريق الناشف.قولت ليه لصاحبي زول ديك الدربالة وقاد الحالة ، باش نمشيوا عند القلم ، صاحبي ماكايحملش كلمة القلم حيت عند الفقها المغاربة كاتعني الذكر، بصح أنا الدنيا هانية، بنادم ايفتاخر بالأعضاء ديالوا وحتى أعضاء التدوين. المهم جمعنا

المدونات فالمراية

Thu, 6 Sep 2007 05:17 GMT

أهلا وسهلا وجدوا راسكم اليوم شرينا واحد المراية ، وقيلا تقدروا تشوفوا فيها وجهكم ومافيها باس وخا مايعجبكمش ، ماتقلقوش ، الماكياج كانقشروه ، الزواق ايطير ، والعرا ماكاينش حسن منوا ، ماشي العرا اللي فراسكم هذا عرا آخر. كل مرة غادي نزلزا ضياف صحة على شي مدونة ، غادي ندخلوا الكوزينة ديالها فين كتطبخ الإدراجات ، وغادي ندخلوا لبيت الضياف ، وماتنساوش غادي ندخلوا حتى البيت

مستر بين المروكي

قلم فشي شكل

المدونات فالمراية