قهوة جمالات

مأساة حلق شنب على موس حلاقة ..!!

Sat, 30 Aug 2008 02:49 GMT

فى أغنية ثلاثي أضواء المسرح بص شوف مين يا وعديكان فيه كوبليه بيقول (شنباته فى بقه وسنانه زى الحلزون الواحد يقدر يلاعبهم ويدخل جون) ..فزمان ويمكن لحد فترة قريبة كان فيه تعظيم هائل جدا للشنب إلى أن حدثت له إنتكاسة معتبرة مع صحوة مواس الحلاقة وإطلع يا لورد ..ومتعرفش ليه أساسا زمان كانوا بيعظموا جدا من شأن الشنب حتى أنه بات من معالم الرجولة يعنى الراجل علشان يباه راجل لازم يكون شنبه عرضه لا يقل عن مترين ..ويمكن الاحساس من تعظيم الشنب ده مكنش بس عند الرجاله ، فبرضه زمان كان كتير من الستات اللى بتبحث عن معالم الرجولة والفتوة فى شريك حياتها كان لازم يكون بشنب ..حتى الستات من بتوع جمعية حقوق المرأة المسلوبة تحت وطأة شنب الراجل كانوا بيطلعوا غيظهم فى الرجالة عن طريق بعض الكاريكاتير المضحك اللى فيه

إلى كل البنات المتحنجلات تذكرى قول جدتك خطبوها اتعززت تركوها اتندمت

Fri, 15 Aug 2008 02:47 GMT

كلنا متفقين تقريبا أن البلد فيها أزمة جواز ..وإن شبح العنوسة هو البعبع بتاع البنات الايام دي ..فى ظروف زى دى ايه المتوقع من أى أب وبنته جالهم عريس كويس وأخلاق وجاهز وفى نفس الوقت البنت أعجبت بيه ؟!! ..المفروض انهم يشيلوه من على الارض شيل ..ده اقل ما يجب أن يعملوه ..لأن خلينا نتكلم بصراحة ..فرصة الرجل فى الزواج اكبر بكثير من المرأة ..الرجل الجاهز ممكن يلاقى أكتر من واحدة مناسبة له ..لكن البنت الفرصة الواحدة غالية جدا بالنسبة لها ..لكن المشكلة الايام دي أن فيه أبهات وفيه بنات مش مقدرين الواقع كويس ..أو مش فاهمينه ..ولما يجلهم عريس كويس يسلخوه

لو لاقيت حد فى الشارع شعره منكوش واعور يبأه أكيد مش المسيح الدجال ..!!

Tue, 29 Jul 2008 11:37 GMT

تجد الناس فى وقت الأزمات وهروبا من الواقع يفتشوا فى النبوءات الدينية ويعملوا لها إسقاطات على الواقع ..والمشكلة ان الاسقاط ده مثلا مش راجع لدلائل عندهم لكن هم هروبا من ازمة ما يفتشوا فى النبوءات ويطلقوا لخيالهم العنان .. مبأش حتى فيه ضوابط معينة عند الكتير من الناس فى التعامل مع أشراط الساعة .. وحيث إننا شعب إشاعنجي طلع الناس الفاضية إفتكاسة غريبة وانتشرت فى فترة من الفترات بتقول ان المسيح الدجال ظهر يا ناس فى الهند أو باكستان..طب هو فين يا معلم .. يقولك ده نزل ومش

هل أنت ولا مؤاخذه ملعوب فى دماغك ..!!

Thu, 10 Jul 2008 10:40 GMT

الطفل عندنا فى الوطن العربي من يوم ما يتولد لغاية ما يدخل فى الشيخوخة ويموت وهو يمر بمراحل ومحطات من ( اللعب فى الدماغ ) ..ولو الانسان يعرف يشترى دماغ جديدة كان هان الامر أو انه مثلا يعملها فورمات زى الكمبيوتر كنا خلصنا لكن المصيبة أن الغالبية العظمي مش بتفوق خالص من غسيل المخ اللى حصل لها ..ومايبقاس هناك حل للانسان إلا أنه ( يعمل دماغ ) ويكبرها ويشخللها وخلاص ..واخطر مراحل اللعب فى الدماغ بتكون فى الطفولة يا إما عن طريق المناهج التعليمية ويا إما عن طريق المدرسين ..وأنا أتذكر وانا فى سنة خامسة إبتدائي أو أولى أعدادي كنا بندرس التاريخ الفرعوني وكانت بتقوم بتدريس المقرر لنا واحدة ست شابة ..

وطبعا لازم افتكرها

الحــــــــــب مــن طـرف ثــالث

Wed, 2 Jul 2008 08:01 GMT

((كلاكيت أول مرة – فى التليفون ))سامح : أنا مش ممكن أبطل أحبك يا إيمانإيمان : إنت ايه يا أخي بقولك أنا مرتبطة إبعد عنى أحسنلكسامح : يعنى مفيش أملإيمان: أمل إيه اللى بتتكلم عنه إنت يظهر باين عليك مسطولودييييييييييييييييييييب (( تقفل السماعة فى وشه))-----------قطع----------إيه رأيك فى المشهد ده .. تفتكر سامح الغلطان علشان حب واحدة

السلطانية لا تزال على رأسي

Tue, 24 Jun 2008 04:17 GMT

الواحد مننا لما يحب يعمل فيها فهلوي وبيفهمها وهى طايرة وان مفيش حد بيشتغله يحب يبين إن اللى قدامه معرفش يضحك عليه يقوله ساخرا ( لبسنى السلطانية ياض ) ..مع أن الحكاية كلها مش مستاهلة يعنى ...لأننا كلنا لابسين السلطانية ومبسوطين ..أصل لبس السلطانية فى حد ذاته حاجه تفرح ... ده حتى زمان كان فيه مسلسل إذاعي بيتكلم عن فوائد السلطنة وان لبسك السلطانية ده شىء فى حد ذاته خيالى .. لدرجة ان مرزوق الصياد بطل المسلسل الإذاعي لما كانت موجه تشيله وموجه تهبده حتى وصل لبحر الظلمات ونزل على جزيرة عليها ناس( سلط ملط) يعنى يا مولاى كما خلقتنى مسكووووووه وكانوا عاوزين يقتلوه وقالوا له هااااااا يا معلم انت عدو ولا حبيب .. قالهم طبعا حبيب .. قالوا له طب فين

يا مركبي سيرى فى طريقك ولا تخافى الرياح لو فيه ضلام فى الوجود قلبي أنا ملاح

Tue, 17 Jun 2008 09:32 GMT

فى فيلم ( كلمة شرف) بتاع وحش الشاشة فريد شوقى .. ولما كان مسجون وبيكلم رئيس السجن اللى هو كان ( أحمد مظهر) بعد فشل محاولته للهرب خارج أسوار السجن ، قاله ( دى مش اول مرة أحاول فيها الهرب ومش حتكون أخر مرة ) .. تقريبا ده هو نفس الكلام اللى قاله أحد الناجين من الغرق من بتوع الهجرة غير الشرعية واللى كانوا حيغرقوا على شواطىء إيطاليا .. ورغم أن واحد من الناجين دول سبق له قبل كده انه سافر برده هجرة غير شرعية وكان حيغرق وانقذوه وحاول لتاني مرة وتكرر نفس السيناريو .. إلا أنه مصمصم إنه يصل لشواطىء إيطاليا أو الموت دونها .. وبيقول دى مش اول مرة ومش حتكون اخر مرة .. إيه الاصرار ده اللى ممكن يخلى إنسان يجاذف بحياته ..يعنى انت لو عاوز الدقه ايه الرغبة فى

أنا بس عاوز اعرف دماغك متوافقة مع مين !!

Fri, 13 Jun 2008 07:41 GMT

جربت تروح مكان مبترحهوش علشان يمكن تقابل حد بتحبه هو اصلا مبيرحهوش ، لاقيته فى نفس المكان وجاى علشان يقابلك رغم انه عارف انك اصلا مبترحهوش .. حد فاهم حاجه ولا مؤاخذة !!

كلنا عارفين حكاية ( قلب الام ) وان قلبها داللها .. وأن مثلا لو ابنها فرحان بتحس ولو زعلان بتحس .. وتحس

الطالب قال هات الإمتحان وبلاش تلاعبني رد الأستاذ المادة طازة والحال عاجبني

Sat, 31 May 2008 09:07 GMT

زمان عندما كنا فى المرحلة الإبتدائية والإعدادية كان الأساتذة وخصوصا قبل كل إمتحان كانوا يلقون على مسامعنا مجموعة من الجمل مثل ان الغش حرام واللى بيغش حيروح النار وإن من غشنا فليس منا..ومع افول المرحلة الاعدادية وبداية الثانوية العامة تغير الخطاب الترهيبي بدل من أن الغش حرام أصبح الغش جريمة وان الغشاش حيتحرم من الامتحانات كلها وحيتحول للتحقيق .. والشاهد أنه سواء فى التهديد الأول أو الثاني الطلبة لم يكفوا عن الغش .. واصبحت عملية إستغفال المراقب لها متعة ولذة خاصة .. فالمراقب كان بالنسبة للطلبة هو كوز الرخامة المتحركة .. وكان دائما المراقب المتساهل اللى بيترك الطلبة تِطَلع اللى معاها من برشام وخلافه ليلطشوه على ورقة الإجابة كان بالنسبة لهم الفارس والشهم والأب الحنون

ربنا يبعد عنك افلام أمينة رزق وقراءة الجرائد وبرامج التوك شو .. قول أمين!

Sat, 24 May 2008 09:15 GMT

أنا من الناس اللى مش بحب الحزن ولا الاكتئاب ولا النكد .. ودائما ارفع شعار حناخد إيه من النكد والهم غير حرقة الدم فباديها طناش .. وكنت دائما احاول لما أشوف حد مكتئب إنى اخَرّجه من الحالة دي .. وده مش علشانه بس ، ده كمان علشان ماخدش أنا كمان عدوى الإكتئاب وأقع فريسة لفيرس التشائم والنظرات السوداوية للحياة .

وكانت جهودي فى إخراج الناس اللى يهمنى أمرهم من الحالة دي تذهب أدراج الرياح ..وكنت من شدة غيظى من فشل بعض محاولاتي معهم أقول فى نفسي (( خلاص